翡翠拉麵小籠包 (已結業)

肥柑太突然想食拉麵，當仲諗緊應該同佢搵邊間日式拉麵店時，佢已經話想去食翡翠，啊~原來上海拉麵都得。去到店外有七八人係度等緊，行去囉籌，等左陣就問我地卡位可唔可以，咁我地話無問題，咁樣就即時可以入去食啦。點左招牌既小籠包外，柑太要酸辣湯拉麵，我就要排骨拉麵，加多個菜肉雲吞。以前由七粒既菜肉雲吞變左六粒，細粒左，不過食落味道幾鮮，最大優點係個湯底係有金華火腿既鮮甜味，飲左幾啖都唔覺得太濃，反而仲好清甜。小籠包上場，內裡既涵無乜肉味，而小籠包內既湯亦只有雞湯味，少少豬肉香都唔覺有。失望。酸辣湯拉麵，整體不俗，可惜湯酸而不辣排骨拉麵，敗筆，排骨比一塊午餐肉差唔多大，上粉上得差，炸出黎皮熟肉唔熟，粉紅色既肉清晰可見。講真果句，係得呢個位食呢樣野，真係唔好有要求，相信佢地都認為主打客人都係趕住搭飛機，求求其填飽個肚就得掛，希望將來會有改善

星期日, 原本想訂位, 不過原來星期六日不設訂檯... 算了吧, 早點去等位7點半黎到, 人山人海, 拿了3位的飛仔, 就在ifc行了一陣, 隔了十幾分鐘返黎仲係有排...只見2人位既號碼一直入座, 而3人或以上就很慢好啦, 等到8點過少少, 終於都到我地了門口果位知客轉左, 之前果位黑口黑面既員工唔見左, 換上左一位啡色短髮戴眼鏡既女仔, 好似叫RAIN, 禮貌比之前好左好多入到去,等到卡位, 真好~ 好肚餓, 很快就叫野食啦紅油抄手: 紅油雖然稀魎地, 但很辣, 愛好辣味的應該會喜歡. 餡料也味鮮, 保持水準上海粗炒: 麵質彈牙, 炒得有鑊氣, 不過怕油膩的就可能唔啱食了~ 配料有菜及菇... 最離奇是有幾條白菜仔... 小籠包: 一貫的皮薄餡靚, 但其中一隻穿了底, 可惜可惜酸辣湯拉麵: 叫呢個都係貪佢酸辣湯好味, 料足之餘味道酸辣得宜, 相當有水準除了食物水準保持到之外, 服務亦都改善左好多, 換上了幾名新面孔, 有一位叫JOHNNY的男仔同另一位金色短髮既男侍應, 2位既SERVICE都很好, 很有禮貌向我地介紹食物, 而且遠遠一見到我地舉手就立即快步走過黎SERVE我地,