炑八韓烤 (偉華中心) (已結業)

掛住韓國啦～又想飛😂😂韓國醬油蟹配紫菜飯 味道： 🌕🌕🌕🌕🌗評價：見到醬油蟹就心動。一份有一隻醬油蟹同紫菜飯，今次呢隻醬油蟹味道偏甜，都有膏，配飯一流✨✨而家係KKday可以用三折優惠價$80預訂韓國醬油蟹配紫菜飯1份(原價$258；預訂日期至4月19日，享用日期至4月30日)✨✨炑八厚切五花腩味道： 🌕🌕🌕🌕🌗評價：要俾多少少心機去燒，勁有韓國風味，五花腩嘅層次分明，啱晒食肉獸蒜油蜜糖雞腿肉味道： 🌕🌕🌕🌕🌖評價：第一次嘗試蜜糖雞腿肉，肉質嫩滑，再配埋脆蒜片蜜糖，另有一番風味韓式肉肉蛋糕 （生日禮遇）味道： 🌕🌕🌕🌕🌕評價：最驚喜係有肉肉蛋糕，心諗應該會有蛋糕啦，其實就係由三款唔同嘅肉組成👍🏻啱晒唔鍾意食甜品嘅朋友而又可以慶祝生日。韓國薄脆牛角酥甜品+梳打味道： 🌕🌕🌕🌕🌗評價：冇諗過會食到近期最流行嘅脆牛角酥，再加上雲呢拿雪糕同朱古力醬，冇得頂。不過平時鍾意少甜嘅朋友就會覺得甜咗少少。📌 炑八韓烤 (偉華中心) (沙田)沙田沙田正街11-17號偉華中心2樓8C號舖

今日好想韓燒，但又唔想食放題，找到近近地沙田呢間燒肉。本想食生牛肉，點知冇貨，真是有小小失望。但揭到餐牌最後一版，有醬油蟹，當堂精神為之一震，仲開心既係，店員介紹我買韓國月餅，月餅對我就唔多吸引，不過他背後既一份優惠券，速使我買左盒月餅喇 ! 點解? 因蟹就平$100， 送兩碟肉，梳打買1送1，所以大媽貪心既精神又上身了。 😂其實四個人，係食唔到咁多野。牛小排賣相ok, 不過真的冇咩肉味；牛胸肉，有味，但可能我們成日較個火，所以係韌到咬唔到。雞味就好少少la ! 但由於太大舊，所以等得肉熟，皮又燶了，原來燒肉，都係一門學問，屋企煮得唔好，出到外面都唔會燒好。醬油蟹好明顯係真空包裝個d， 食過三清洞大瓦房，你唔會鐘意食。但話到最尾，其實檯上有3碟野，加2杯飲品都係送，所以都是好抵的。（溫馨提示: 睇完唔同意，可以以後唔再睇，但請尊重地留言 ）

因為事先有訂位, 又早到去攞位, 所以訂8點時間來說, 8:10pm左右已有位提供啦。有啲失望是, 之前訂位都會比卡位的 (即使只有2~3人), 但當日可能因為是星期五, 訂了3人都只有圓枱, 坐就當然無咁舒服。一直都幾鐘意炑八的飲品, $32/@但大大杯, 確實不錯。至於食物, 易過散叫, 都係建議2人餐, 約$450~$500, 但我地3個女仔去都食得飽飽。特別推介是五花肉, 實在不錯又大大舊。我地亦另外叫了一客醬油蟹, 因為未在韓國食過, 在無比較下覺得~~~一般啦! 無傳聞講都咁非食不可。而且我地都覺得醬汁有點偏咸, 若要來送飯, 記得唔好落太多。順帶一提, 叫唔叫餐都會送任食的前菜 (有泡菜、大豆芽、海帶), 一個Salad, 幾片菜 (用來包肉食), 和任食的芝士栗米 & 泡菜蛋。可惜的是, 每次叫任食再加添時, 都要同侍應講2次, 佢地好似好唔得閑, 但又確實有啲企晒喺度......不過, 你再催佢地都會去加添, 未至於令人覺得服務不週。整體來講, 都會Encore。價錢算OK, 只係如其他所講, 服務方面再有小小改進, 就真係Very Good la。