HOW Food Factory (已結業)

工廈覓食覓得多，今次搵咗間傢私鋪食！位於官塘巧明街，工廈入口位置有d了能，就係車房隔離條巷仔入去上三樓。半鋪半cafe設計，環境舒服，枱與枱之間有距離，可以傾計得黎又唔會騷擾其他人。食物質素有驚喜，最鍾意醬油魷魚軟骨沙律🥗$78，份量少。日式脆炸芝麻雞翼炸得酥$78，但欠新意。慢煮厚切日本四元豚肉$168，食得出用料靚，煎得出色，又淋又有油香。服務方面都好妥當，我地自帶紅酒🍷都係收$50開瓶費，可以接受，如果有玻璃杯供應更加好。📍HOW (觀塘)觀塘觀塘巧明街99號巧明工廠大廈3樓AB座

又用eatigo訂位來食午餐地點係工廈中，地方好大好寬敞，超舒服的一半餐廳一半賣傢具的。唔知呢間餐廳係半自助定唔係有人帶你入座，不過點餐就自己出去點。調味料或水就自己去自助區攞，但碗碟餐具服務員又會拎來喎星期日的午餐，呢度都full，真係週末好去處丫。我地點左4個main加一個沙律。沙律唔大，蔬菜好新鮮，魷魚軟骨幾特別，唔會好似雞軟骨咁硬，又唔似魷魚咁淋，有少少咬口。個醬油汁唔會太鹹，甜甜地的三成熟的牛排，其實可能都有5成熟，不過呢個幾好味，都嫩滑，唔嚡口最下面的豬斧頭扒，嚡到一個點不過蘋果sauce 同薯蓉都幾好味。右上意大利飯個人覺得乾左啲，又無乜味。無creamy的口感。第4個黑松露意粉就正常但如果多返少少汁就好喇！