定食8 (已結業)

之前經過MIKKI 見到定食8喺食飯時間好多人排隊，見到咁多人排隊總係心思思好想試。今次終於俾我見到佢喺屯門開左新舖，有機會比其他人早少少去食！今日未到7 點已經去到舖頭，果然比正常食飯時間早少少到就可以唔洗排隊。以日式定食嚟講，定食8 嘅價位真係算平，叫左定食仲可以無限加湯加飯加沙律，以依家嘅物價計，只要唔難食都應該算係值回票價。定食除左主菜之外原來仲有漬物，至於飯食完唔夠飽可以去外面自助服務台加飯、加湯同埋加沙律兼加茶。幾肚餓嘅人入到去都可以食到飽晒先出門口。店員安排好入座之後選好餐點先出番去收銀處點餐，點餐紙上面會MARK 低你嘅枱號，之後就可以番埋位等食。佢標榜上餐係15 分鐘內 (交枱時間係90 分鐘)，所以佢上餐嘅時間都好快。呢度嘅選擇都唔少，唔一定要食生冷野，佢都有熟嘅野食。叫左一個特上盛海鮮丼同埋汁燒牛排丼，另加左一個醬燒魷魚。好快魷魚上枱先，$20大大條，味道都唔錯，又唔會過硬，抵食啊！至於汁燒牛排就真係“un"左少少，肉嘅份量係好多嘅，如果佢無咁"un"會更好！至於特上盛海鮮丼竟然俾到驚喜我wor，呢個價位都唔會預期會係好高質素嘅海鮮丼。呢個海鮮丼竟然有兩大隻蝦，又

每日放工經過都會大多會見到排隊的人龍，好奇之下見今日沒有人排隊，就進去試一試有什麼特別。餐廳所供應的食品種類不多，除8款$48的定食外，只有一些小食供應 ; 飲品除了無限量添飲的免費麥茶外，就只有罐裝汽水供應。餐廳門口寫明如15分鐘內不上餐就免費，所以不用擔心會等上餐等得太耐，今次叫了岩燒牛排定食及芝士豬排定食。牛排本身味道偏淡，但有一定厚度，抵食 ; 芝士豬排有點油，一個人很難食完一份。另外點的醬燒魷魚頗大條，附上七味粉，點一點，有點辣，惹味。但無限量添飲的味噌湯同麥茶份量不夠，中段想添飲第二杯已經沒有了另外，雖然餐廳表明用餐時間為50分鐘，但見坐角落的人坐得很久都沒有人會理，所以如果想坐耐啲，建議坐角落位。

定食8係爭鮮旗下品牌，主打平價定食 喺新蒲崗、荃灣早有分店，近日開埋黎屯門（舊日自家烏冬嘅位置）新開業時送優惠券，人龍太長，所以到最近先一試~由於限時50分鐘製，即使要等位，時間都心中有數。首先揀好定食，客人自行去櫃位結賬，再由店員送餐，並實施15分鐘內送餐，堂食設加一。定食8，顧明思義有8款定食，均一定價$48，小食同樣地有8款，定價$20-$40 有刺身、雞翼等。簡單而言，最低消費，如果唔點其他小食，53蚊埋單~定食附味噌湯、漬物、甜點；另設自助區內白飯、湯、椰菜絲、麥茶任添！岩鹽牛排定食 $48賣相唔錯喎~50蚊份牛排千祈唔好講係咩靚牛…食落雖然有少少硬身，鬆軟講唔上，但唔會有鬆肉粉味~加埋大大碗飯，唔添都飽一飽~附送嘅味噌湯唔係開粉，都有少少誠意。炸蝦天婦羅定食 $48天婦羅雖然有少少厚粉，但3隻蝦都算幾大隻！另外有兩件秋葵、一件茄子~平時日本料理，天婦羅乜乜都要3、40蚊啦，仲要唔一定好食，所以呢48蚊都算過得去！前菜有3款，海哲、中華沙律都係爭鮮質素，不過我留意到好多客人都食剩第一款 (唔知乜)。店家可能要換一換款式，或者even 取消呢款，無謂浪費吖。煙燻三文魚沙律 $2

精明的你當然知道聖誕節周街都是「貴野」，當然會「捐窿捐罅」搵平野。這次來到屯門新開店的日式定食餐廳。均一價定食HK$48（每人入場最少點一份），有8款選擇，還有魚生丼‥‥但不敢試小食選擇亦有8款（HK$20-40不等），比較有趣的是堂食15分鐘內限時送餐，超時不收費！旁邊有自助區，麥茶、白飯、麵豉湯、沙律菜和醬汁任fill小食先到，酥炸生蠔（HKD20），廿蚊有五隻炸蠔小食已經無可挑剔，但炸蠔微溫，應該是因為要限時送餐所以大量炸定；但入口仍然酥脆，一口咬入去爆汁到對面位LOL！醬燒魷魚（HK$20），原條魷魚燒，夠入味，但略韌定食岩盬牛排（HKD48），還附小菜和甜品，牛排有連根部位，有點韌，只屬普通定食蒲燒鯖魚（HKD48），盬燒的做法比較常見，蒲燒倒是第一次；鯖魚太軟身肉質鬆散，配上蒲燒汁感覺怪怪的，似平價的鰻魚飯多於鯖魚，但將貨就價是完全接受的麵豉湯味道略淡，但其實亦頗足料的，魚肉、蘿白、豆腐粒，自助區有海帶芽可以加到湯內因為達到15分鐘內送餐的任務，所以埋單HKD157（先排隊安排座位，然後排隊點餐付款，入座計時50分鐘），這個價錢食到日本定食，絕對可以再deal喇！（後來知道