重光弁当 (已結業)

又嚟到返工搵食時間，有時候買返公司食，但又懶得要喺鋪等，就會APP外賣自取，較啱時間先衝過去，我係慳時間小天才👑 今次揀左重光弁當，第一次食，叫左重光招牌便當($62.4；外賣自取)，計過價錢，外賣自取仲慳左一兩蚊，慳錢小天才👑內容有五格，一陣逐格睇，但佢應該係即刻整，因為一攞上手，個底仲係熱的🔥 膚淺女子鍾意佢整色整水，有條紙帶，外表加分☺️主菜包含炸鱈魚、炸蝦餅同兩件炸雞，不得不講佢炸物做得唔錯，個外衣做到好鬆脆，而且即時整起真係加分好多，我唔鍾意食魚都覺得個魚好好食。蝦餅唔係丸嗰種質地，係會食到蝦肉嗰種🍤 炸雞都肉質都唔錯，但有少少鹹。沙律係用左柚子醬汁，鹹鹹地酸酸地好清新，但如果唔鍾意酸野嘅就可以唔駛試。小菜醃蘿蔔就係平時食到嗰種黃色醃蘿蔔，但係偏甜。星星魚餅、汁煮蘿蔔正常發揮，但實在太少見咁孤獨嘅枝豆，我好蠢咁咬埋個皮，大家可以留意🤓最後白飯係偏粒粒分明嗰一種，有飯素實無死。見識少，第一次食白飯嗰粒梅，一口咬落去好酸，但其實細細啖伴白飯都幾好食🍱

晚飯黎到新蒲崗買外賣晚餐～ bookmark咗呢間小店好耐，今日終於得閒黎試吓!😍 呢度嘅日式便當用料講究、主打唔用中國食材～ 😋今次試咗重光招牌便當、牛小排便當、壽喜燒牛便當～ 每個便當都好精美，除咗各款主菜之外，入面仲有其他配菜：沙律、日式漬物同關東煮🍢🍢三款便當之中，我最鍾意重光招牌便當，入面係炸魚+炸雞+炸蝦餅，炸物炸得恰好、面層金黃色的，食落好鬆脆～佢總共有14款便當，睇嚟要黎多幾次試晒佢🤤 原來附近地區買三個便當仲有免費送餐服務添！💕

留在家中🏠抗疫都可以食得好好👑 便當包左厚紅金花邊, 仲好好分隔開新鮮關東煮🍢.柚子沙律🥗.漬物.主菜同飯🍚, 味道唔會撈埋一齊, 講究程度媲美係日本🇯🇵買到既 (無得去旅行就幻想下先🙈)便當包裝精緻, 但份量其實超足料, 而且係可以有豐富既餸菜配料之下食哂成個飯既果種飽, 唔會淨係得返d白飯😛抵讚既係炸物外賣都唔會變腍變濕, 🐷🐥🐟啖啖肉🤤-重光招牌便當 ($65)滑蛋吉列豬扒丼 ($68)日式唐揚炸雞弁当 ($65)醬燒牛小排弁当 ($88)

重光招牌便當✨堅持任何一款食材都是非中國製，精美的賣相和相宜的價錢，每一個細節都顯示出這家小店的用心經營👍🏻招牌便當有蝦餅、鱈魚柳和唐揚炸雞，炸粉薄身不厚重，配以混合洋蔥的沙律醬，每一口都很滿足😍配菜的關東煮、沙律和酸瓜都非常值得推介🙌🏻 小莎推薦給所有觀塘的朋友😆 只要Whatsapp落單就可以指定時間外賣自取或送上門，非常方便～ 辛勞工作的時候能吃到高質便當真的很感動哦🥰注：我光顧的是觀塘分店哦～

3個以上就免運費送上門，仲好快，落單先整，送埋過黎都唔駛1個鐘，到手仲熱辣辣👍🏻👍🏻👍🏻招牌便當：飯男人食份量比較少，不過食埋d餸整體都夠既。 炸野本身有d擔心會淋晒，但又ok wor, 唔算勁脆，但都幾好食。親子丼：個飯勁多，餸分隔左，一撈落d飯度勁大兜，我食唔晒lor😅 味道正常，雞肉勁多，呢個真係好抵食蜜桃烏龍茶：呢個落單時我有mark有d要半糖，有d半冰，但佢好似冇分到，黎到時冰已溶晒，唔算好甜，茶味都夠，幾好飲幫frd叫既牛小排佢地話好靱。