一鳴燒 (已結業)

夜晚9點先食飯，見呢間有6折，就黎試下啦。環境整潔，燈光係暖色系，所以之後影出黎啲相都較黃。雖然有啲肚餓，但見menu單價都較貴，所以只係叫左7樣野。第一碟上檯嘅竟然係野菌黑松露炒烏冬，味道都幾好，略嫌烏冬太碎。呢個魚干喺第2間店食過係好好食，可惜今次令我失望，燒得太乾同無味。焗扇貝太太太細隻了，$75未免太貴。牛舌芯好淋幾好味，唔錯!餃子雞翼味道正常，燒得幾靚，起碼無燶。翠玉瓜如果份量多啲，會物有所值啲。幾樣野食黎講，燒羊架嘅味道/份量/價錢都相對地性價比高。

好耐冇試過食一餐係咁叫好味...第一次食冇叫太多野，試試質數先～結果叫左三道餸都覺得好好味呀😍.自從係日本食過蟹膏之後念念不忘個種味，見到甲羅燒即叫！侍應都會解釋下要點食，雖然同日本個隻味唔同...但都可以止住我嘅痕><好味呀...唔臭呀...dra一聲撈晒啲飯想lam埋個殼.為左想飽啲而叫嘅烏冬，冇諗住有咩驚喜，但食左一下真係好驚喜...我好鐘意啲汁嘅味呀！個汁甜甜地架..炒得好均暈，熱到辣咀添呀..不過！我食唔到有黑松露味，可能佢啲甜汁蓋過晒。之後又極速ko左碟烏冬.最愛鰻魚嘅我一定要叫呢個卷卷蛋鰻魚！放左係度咁耐以為凍晒，一切又標晒煙！個蛋熟得黎又滑，滑得黎又唔硬，軟得黎又唔易散，中間件鰻魚可以去到尾，唔會得中段先開始有🤣軟林林嘅鰻魚，加埋滑滑嘅蛋，夾埋一齊放入口，好軟滑好好味呀🤤我暈喇..🤤光速咁結束左鰻魚玉子燒嘅一生😂.好滿足呀~~初頭都覺得小貴，但有咁嘅質數，值得！I will be back🤤仲有好多野想試呀😆