萬波 (已結業)

本身分鐘意檸檬愛玉既我又點會錯過呢杯野飲呀😌飲品有唔同甜度同冰既份量選擇,而我就揀左走冰&微糖🙃走左冰杯飲品都係凍凍地,而且甜度啱啱好,愛玉係店舖自家製,口感好好而且份量都幾多,啖啖都食到,而且甜度適中再加埋酸酸地既檸檬青檸汁好正,感覺好清新👍🏿推薦

旺角食完飯後，好想搵嘢飲。沿途行去巴士站都見到好多連鎖式嘅台灣飲料店，好多人排隊，又唔係真係太好飲，所以都冇買。行到彌敦道潮流特區對面，見到呢間舖，裝修得好有懷舊情懷，咁啱冇人排隊，就停低睇下有冇好野飲。店員介紹佢嘅招牌奶蓋茶飲，可惜我食飽飯真係唔係好想飲奶類嘅嘢，同左店員講，佢就介紹咗佢哋嘅金牌愛玉檸檬🍋。店員問我想杯野飲甜啲定酸啲，非常細心。杯嘢飲好好味，真係可以做到比較酸，好清新，消滯一流！個杯仲好靚！