科記咖啡餐室

营业中

休息中

佢去完濟公廟，就看到科記，星期六上午已經排隊中，看着餐牌應該點金牌豬扒最穩陣，然後看看食評，都推介洋蔥牛肉多士，所以我點了這兩款食物。洋蔥牛肉多士，不會太乾，肉汁鮮味，口感很好，多士很脆，真的一定要是！金牌豬扒飯，我很怕吃到那些充滿鬆肉粉質感的豬扒，這間的豬扒是真材實料沒有用鬆肉粉，所以豬扒的口感很好，然後看到其他食客點了鮮茄豬扒，傳來很香的鮮茄味，下次應該要試一試鮮茄豬扒。豬扒煎得剛剛好不會太亁，加煎蛋很好吃！

今日亞頭搵人中午送文件去上環公司，我第一時間請纓做跑腿，同事們傻眼望住我，我就暗暗竊笑，因為又可以乘機去上環搵食呀！快手快腳送完文件，睇見時間尚早，決定去科記搏一搏，希望未有太多人排隊，可以畀我重溫吓佢嘅金牌豬扒飯。真係好好彩，門口排隊的人龍唔太長，等了十分鐘終於有位，一坐低就落單，因為豬扒要逐件煎，繁忙時間的話，閒閒地要等二十到三十分鐘，不過今天早，唔駛等咁耐。「金牌豬扒飯」的豬扒是即叫即煎，鑊氣十足、熱辣辣，味道香口，厚薄適中，肉質雖然有點偏硬、但有咬口之餘又唔會太乾太嚡，仍然有肉汁，非常惹味好吃，而且很有媽媽用老抽醃製及人手搥鬆的味道，完全是家的感覺，加上份量足及細心地軟件上碟，方便客人食用，所以即使近骨的肉都唔會放過，確是令人非常懷念的豬扒飯。

今天在附近工作，下午約兩點才有空吃飯😭我猜這個點應沒太多人在科記吃飯吧（👈🏻不知是什麼邏輯😂）豈料店內已坐滿，到達後仍需排隊😭幸虧我只是一人，伙記很快為我安排🙏🏻我一大早已想點蕃茄豬扒飯配老火湯😍誰知伙記說蕃茄已賣光，老火湯亦售罄😭我只好下單一碟豬扒飯......我沒叫飲品，不是套餐，所以共$45😀我怕吃不完，所以我叫了少少飯，結果真是剛剛飽✌🏻醬油汁很香，送飯一流；豬扒肉質鬆軟，並不黏牙👍🏻題外話：吃飯時，我聽到又有人想叫豬扒飯吃，豈料伙記說飯已售罄😱可點麵食......

依排學攝影，常常會去上環的攝影聖地周圍影相。為了有充足時間影相，食方面以快靚正為準則！今次約了朋友做攝影模特兒，她建議在科記吃午餐，她說這裡的午餐很好吃。豬扒飯上枱，驟眼看沒有什麼特別，先吃一塊豬扒，不得了，很好吃。調味恰到好處，豬扒鬆軟有肉汁，連飯也很好吃。結果，我將成大碟飯都食曬！我一定會再來光顧，支持小店。

平時得閒都會去上環hea下，咁啱未食飯，咁啱見科記唔駛排隊，終於有機會食到傳說中嘅豬扒飯啦，勁開心lor。坐低即刻order碟豬扒飯同杯凍檸茶，喺等嘅時候，有唔少特登嚟食豬扒飯嘅人失望而回，因為最後一個豬扒飯已經喺我哋手上，so sorry ！真係勁好彩㗎，喺3pm都仲食到。- 金牌豬扒飯（$45）即刻試咗嚿連骨嘅豬扒，咬落啲肉好韌，同有啲柴，好似食緊燒骨咁，無想像中咁好食，可能係我唔識欣賞啦，我都係比較鍾意食軟身小小嘅豬扒多啲，好失望啊！！！哩度除咗個豬扒飯出名之外，仲有兩隻Q爆又肥嘟嘟嘅貓仔都好受歡迎㗎，有唔少嘅街坊都係佢哋嘅fans嚟㗎，經過都會專登同佢哋say個hi，哩啲咪人情味lor。喵～

很久以前已經想試下呢度既豬扒飯，今日終於的起心肝走上黎搵呢碟豬扒....飯 星期六中午時間，門口排晒隊，我前面有6-7位等緊，幸好排係我前面既兩位哥哥都係一位，有張三人枱走左，三個單拖既人就一齊入去，坐底使諗就叫左金牌豬扒飯+熱檸茶。檸茶好快送到，咦!加左糖水架喇喎!原來呢度既檸茶唔使自己加糖既，我第一次見到杯檸茶係兩層色架 而且都幾好飲呀!我係檸茶怪，講真茶底真係唔錯。大約十分鐘，豬扒飯送到，擺底後我竟然唔記得左第一時間影相，食左一舊仔豬扒先醒起未影相喎!唯有砌返靚黎影，豬扒堅係好食!!份量又足料，認真抵食!下次再黎試埋個牛肉麵先得!

這食店的位置真是有點兒奇怪，主人與奴隸獸都需要花一番功夫才找得著。1. 金牌豬扒飯（HK$30）：賣相頗為單調。差不多有兩塊豬扒的份量，肉質夠腍夠滑，味道確是不錯。2. 科記牛肉麵（HK$21）：賣相不只單調，可以話是寒酸。只有數片零碎的牛肉，加上『大光麵』，味道只是一般。

9月20日, 呀比踢波前夕, 繼續我地既豬扒之旅! 上環係呀比地頭, 所以科記對我地黎講唔難搵~ 由上路落, 遠遠見到2大行字, 寫住”科記豬扒飯, 科記牛肉麵”…唔洗點等位, 坐左落近門口的圓台.::: 金牌豬扒飯 ::: $30金牌豬扒飯賣相好普遍~ 豬扒份量亦遠多過飯~ 但係食落確實係唔錯既! 味道酸甜帶鹹, 除左有洋蔥味之外似係用過梅子之類既野醃過. 咬落肉質香嫩, 的確用心製作! 不過... 唔係好味到金牌個隻囉.::: 鮮茄牛肉通 ::: $26牛肉麵係科記另一主打, 但係sorry, 真係唔知佢憑乜野做主打囉!! 鮮茄湯底稀, 番茄味淡而微酸, 落唔足料之故啦~ 牛肉好碎, 都算鮮, 但鮮到連調味料都唔落又過份左d呱! 成碗野都淡淡地, 只係落咗少少丁麵味精, no good!! 仲要$26一碗, 係大碗不過都唔想食晒, 行過幾條街食勝x園好過!::: 凍奶茶 ::: $11 (跟飯 +$7)凍奶茶表現正常~ 原本想食蛋牛治... 但係伙記落單時問問老闆整唔整, 老闆就話太忙唔整. 轉個頭有熟客叫蛋牛治佢又整wor. 我地食食下仲遇上科記太子女一家, 老闆知道孫仔病左,