科記咖啡餐室

营业中

休息中

今日亚头揾人中午送文件去上环公司，我第一时间请缨做跑腿，同事们傻眼望住我，我就暗暗窃笑，因为又可以乘机去上环揾食呀！快手快脚送完文件，睇见时间尚早，决定去科记搏一搏，希望未有太多人排队，可以畀我重温吓佢嘅金牌猪扒饭。真系好好彩，门口排队的人龙唔太长，等了十分钟终于有位，一坐低就落单，因为猪扒要逐件煎，繁忙时间的话，闲闲地要等二十到三十分钟，不过今天早，唔驶等咁耐。「金牌猪扒饭」的猪扒是即叫即煎，镬气十足、热辣辣，味道香口，厚薄适中，肉质虽然有点偏硬、但有咬口之余又唔会太干太嚡，仍然有肉汁，非常惹味好吃，而且很有妈妈用老抽腌制及人手搥松的味道，完全是家的感觉，加上份量足及细心地软件上碟，方便客人食用，所以即使近骨的肉都唔会放过，确是令人非常怀念的猪扒饭。