萬發海鮮菜館 (已結業)

約咗班讀書時期嘅好朋友食飯, 成班仔仔通常離唔開食大排檔  之前都食過深水埗萬發, 一條街入面就有好幾個舖位, 唔知有無關連嘅呢?   book枱時間就只有6點7點8點... 得整數無半數, 店員都幫我book住7點先 醬燒大鱔球$138 (3.5/5)見到餐牌有鱔食, 當然唔會放過啦!!炸到好脆! 有啲蜜汁係面感覺唔會太乾身, 味道真係唔錯, 連淨返係碟上面嘅脆脆都食曬, 都但肉質較淋, 如果用白鱔, 口感彈牙啲會更好金牌風沙雞半隻$100 (2.5/5)係我嘅角度嚟講風沙雞應該有炸蒜, 葱同埋辣椒, 可口惹味, 而呢度只係普通炸子雞加大量的炸蒜, 但雞係炸之前風乾得夠, 令皮炸得好脆之餘, 脂肪同肉分開一層層, 當炸子雞食都ok!薯仔牛柳粒$88(4.5/5)一個家常小菜都成為各食家推介菜式, 咁出名梗係要點啦!!味道好似薯片味pizza, 哈, 玩分子料理?   薯仔邊位炸得好脆, 中間好軟身, 每粒都有啲黑椒同辣椒粒濃味得黎, 味道唔會好咸, 牛肉無被蘇打粉過份醃制唔錯! 而且好有鑊氣 汽水 $10/支因為朋友都要揸車, 每次飯局我地都做返小朋友嗌汽水 蠔仔粥$6

約左舊同事食飯~選擇再幫襯萬發海鮮菜館再會一會佢的新鮮海鮮~~~一早BOOK左位,所以唔洗等位今次坐係主舖,上菜速度快好多~因為只可以上載8張相, 重有一個菜就無相睇了~回鍋肉: 椰菜爽甜, 豆腐乾腐味香濃, 肉片是腩片,好爽嫩!!結尾: 6個人9個菜~真係好滿足!!好抵食~~服務質素有改善!!但依然係人手不足...想搵個人追單都難....不過我重係會再幫襯報告完畢~~~

認識耀東街，是因為「蘇記」的豬扒和「長發」的撈麵，不過聽友人說同街「萬發海鮮菜館」的小炒也很有風味，還提議找天來在這裡攪個小型飯局，吓，咁就擇日不如撞日，一於坐言起行，當晚就和食友一行六人，來到「萬發」用膳。唔好以為這間飯店位於舊區，人流就會比較少，由我們入座到整頓好，店裡便已坐滿了食客，果真旺場。先看看四周環境，相比起酒樓，這裡地方雖小，但唔算地踎，而且場內食客高談闊論，感覺上反而是蠻有氣氛的。翻看餐牌，原來「萬發」共有三間店舖，估唔到這些街坊小店，分店可以開完一間又一間，相信靠的就是口碑。由於席中食友都是好杯中物之人，所以先點來幾款伴酒小吃：燒腩仔、豉油皇鴨舌、凍豬仔腳。脆皮燒腩仔以五花腩肥瘦相隔，是絕妙的黃金比例。用牙輕咬一口，肉質鬆化嫰滑，吃來完全沒乾巴巴之感，食味不俗，只是稍嫌外皮香得來仍欠了點酥脆。豉油皇鴨舌 ($55) 豉油味香濃，而鴨舌亦做得軟腍入味，只可惜肉質有欠豐厚，始終是打了點折扣。來到凍豬仔腳 ($68)，沒有一般紅燒的重口味，口感清爽香軟，皮潤肉滑，水準反而不錯。小菜方面，由友人發辦，先點來了這窩人氣「滋」選的什魚湯。奶白色的湯底，入口魚味濃郁，據說是用了大量