武館 (已結業)

第一次寫食評, 因為真心覺得好好食, 好想去支持小店!!話說朋友生日, 曾經同佢喺日本食過間, 邊食邊同師父傾計既壽司鋪, 所以特別去搵番依類型既餐廳。有次喺fb見到武館既資料, 知道佢地只做omakase 廚師發板, 全晚唔番枱, 睇相見到d刺身好唔錯, 而且有原個海膽上( 香港唔多見, 個朋友又鍾意食) 就決定去試下。 首先我要讚一讚老闆娘, 因為我訂左位之後,  就whatsapp又問食材, 又想食牛又同佢講話要自己帶牛黎, 10個煩, 但老闆娘都好好人, 有問必答, 讚!!!!廢話唔講, 睇相好過。仲有多隻魚既壽司, 魚湯烏冬仲有密瓜架仲冇位up相啦😰😰😰😰個魚湯又係必飲唔加野都飽到暈左最正既係我地8位客人係互不相識傾下食下飲下就打成一片師父都邊整野食邊咁我地飲last仲開左私伙whisky n 燒酎!!!( 拿!! 我有理由相信個晚係大家真係超開心所以會咁~ 我地食到2am....!!!! 所以咪入去就叫師父拎私伙出黎😛not a must~)依餐真係好得~~~😋多謝武哥安排🙇

第一次試大角咀新開既武館，餐廳仲係試業中只做預約，今 日比我地八個人包左場由於佢地做廚師發板，一入到去咩都唔使諗就有得食，岩晒我地有選擇困難症既香港人果晚食到大滿足，食左十幾樣魚生珍味，最後仲有餃子同埋蜆湯，仲有好清新既柚子 sorbet 做甜品。比起銅鑼灣尖沙咀既日本餐廳，用咁既價錢食咁多日本即日返既食材真係物超所值！！每條魚都即劏即食正到冇得彈！！北海道海膽三重縣真蠔拖羅，同平時食個隻唔同，師傅話呢隻係好大條既吞拿切出黎，雖然好漏，但實在太有油香好好食北海道帆立貝蔥拖羅手卷，絕品第一次食海菠蘿，仲以為得韓國有得食，好特別其實仲食左好多樣野，不過漏左影相，基本上食完生野已經抱住個肚，不過我個彈工肚見到好野飽都會食得落，最後上埋個大蜆味噌湯好耐冇試過食咁飽，食得咁好肥都抵啦！下次一定會再幫襯，睇下又會有咩其他驚喜既時令日本食材。