錦麗 (大埔超級城C區)

营业中

休息中

第一日來大埔出job 坐廠車出來 唔知食乜好～求其揀咗呢間越南粉。同同事係門口排咗幾分鐘隊就可以入去了～ 唔算特別多人嘅lunch 但要同人搭檯， 不過d位都坐得幾舒服嘅～ 有一大波蔥係麵頭 好彩同事鍾意食 夾曬比佢🤣 清湯底 唔夠辣可以再加～ 牛丸同生牛肉都OK好味 但熟牛肉個人就覺得一般般啦～有青檸和生芽菜等可以自行選擇擺入去～ 我擺咗青檸和辣椒🌶️ 芽菜本身都鍾意食 但擺入去太生了 唔係咁鍾意 不過個人口味啦呢杯嘢鹹鹹地都幾好飲～ 但總言之 呢個粉都ok一般 唔至於其他評論中咁神奇🤣 不過呢d嘢都幾見仁見智～ 試過就算。

之前朋友話好好食，今日經過大埔既錦麗決定入去試下，平時都好多人排隊，今日剛好有位不用排。叫左一碗綜合牛河，跟台面上的品嚐指引，先呷了一口湯，嘩，果然好味，濃濃的牛肉味散發出來，不是味精味，飲左都唔會口渴，我連喝了幾口，真的很棒，然後我再跟指示落佢既香菜配料開始進食。綜合牛有牛丸、生牛肉及熟牛肉，牛丸彈牙，不過好似有少許過熟。熟牛肉煮到好林好入味，一點也不硬，最愛係生牛肉，生牛肉同湯底簡直絕配，也很新鮮，真的好吃！可以二訪！

食飯時間，餐廳永遠都會有人排隊，本來想食牛角，但係因為要等一個鐘，所以決定改為去食錦麗。食物：錦麗綜合粉 - 包含有生牛肉、熟牛肉和牛丸。熟牛煵炆得好淋，肥瘦適中。一次過食晒三款牛肉，正。牛丸會切開一半上菜。錦麗牛丸粉 - 完整一粒牛丸上，咬開牛丸中間，裏面嘅牛脂冇得頂，勁多汁，鍾意食牛肉嘅人，一定會覺得好正，唔鍾意牛肉嘅人，就會覺得好臊。燒雞肉米紙卷 - 一早整定，即叫即有，米紙卷唔會太硬。大蝦扎肉米紙卷 - 普普通通。法式牛油雞翼 - 即叫即炸，炸到好香脆，再配上生蒜蓉，好味！服務💁🏻‍♀️：- 有很多待應招呼，服務有禮。- 如果想飲水，可以自己去自助飲水器攞。環境：簡潔乾淨泊車🅿️：大埔超級城的停車場。總結：必食牛丸，一試難忘。

早前看過蘋果日報一篇有關越南生牛肉河粉比拼的報導，由越南人試味，看看誰家牛肉粉的味道最正宗、最地道，結果這間曾被《華爾街日報》評為「胡志明市最好吃牛肉粉」的「錦麗」完勝，今日終於有機會來試一試了。午市時間都有不少人排隊，但勝在翻枱快，所以不用等太耐就可以入座，河粉種類只有五款，不外乎是生牛肉、熟牛肉和牛丸，於是我選了「錦麗綜合粉」，可以一次過吃勻生牛肉、熟牛肉及牛丸三款餸料，下單後，侍應便遞上用透明膠杯盛著的配料，內有九層塔、香葉、青檸及芽菜等。不一會，河粉就送上來了，跟著枱面上指示最地道的食法，先呷一口湯，牛湯味道濃郁，有鮮味，不會太鹹，令人忍不住再呷多幾口，然後將九層塔、鵝蒂撕碎放入湯中，加入青檸汁，辣椒及芽菜拌勻，河粉幼滑得來有彈性，起初都有d驚生牛肉唔熟，但發覺完全無問題，牛肉浸熟後，肉質仍然嫩滑，同事話沾點拉差辣醬及甜醬來伴吃，會更加惹味喎，我怕太辣，所以無試。熟牛肉就似牛腩，帶少許肥膏，油香味濃，有咬口，至於牛丸，看上去大大粒，有牛筋，吃落爽口彈牙，肉味濃，無牛膻味，但可惜數量原來只得三個「半球體」，不是完整三粒，感覺被欺騙了。最後，要提醒一句，如果大家吃飯唔可以無水飲的話

次次經過這餐廳都大排長龍，今日見人少，終於有幸了解它受歡迎的原因。餐牌十分簡潔、易明。餐廳內氣氛有點緊張，一坐低，服務員就立刻遞張餐單供食客點菜。務求做到「快啲食完、快啲走」的原則。餐廳只有單點食物及飲品，沒有套餐。我點了一個「錦麗綜合粉」試試。「錦麗綜合粉」綜合粉有生牛肉、熟牛肉、牛丸。相比坊間其他越南餐廳，它越南粉的牛肉份量比較多，而且非常好食！熟牛肉超級林，有點入口即溶的感覺。牛丸好有牛肉味，好多餐廳的牛丸，未必會提供有牛肉成份的牛丸。湯底最抵讚！超級濃烈的牛肉味，真材實料，再配上芽菜、九層塔等配菜，簡直錦上添花！餐廳亦好細心，每張枱都會張貼品嚐越南粉的方法。回味無窮，I’ll be back!*餐廳沒有提供BB櫈

得知貴為胡志明市最美味的pho「錦麗」進軍大埔，馬上去朝個聖！當日星期日6:00pm去到人龍已經有大約20人在排隊！未計算餐廳內的客人，可見錦麗這個過江龍的確有料到等了差不多15分鐘左右終於有得食，略略看過menu，決定還是吃皇牌綜合粉$62，有生熟牛肉，又有牛丸，一次過滿足我這個有選擇困難症的麻煩人。飲品選了清新的咸檸七，解渴又解膩。錦麗更有提供越南傳統滴漏咖啡，有樣會大家都要一試！每張枱都有一張貼紙教大家正確方法食pho，首先要吃日本拉面般喝一口香濃牛骨湯，另外再將九層塔、芽菜等配菜加入pho入面，最後滴數滴檸檬汁提鮮，就可以趁熱享用一碗正宗pho餐廳更會按人頭提供一杯杯的配菜，不夠可要求追加枱面更有提供海鮮醬及辣椒醬，將兩種醬搞勻沾牛肉特別惹味。 話咁快綜合粉到面前，先喝口由大量牛骨熬成的湯！湯頭香濃入味，令人欲罷不能，喝不停口河粉方面有咬口，配著湯一起吃寧舍入味牛丸尤其出色，𥚃面加入少許牛筋及牛脂，有口感之餘，牛味更是濃到不行！熟牛肉用上半肥瘦牛腩，稔軟又不韌，為整碗pho其中一個不可多得的主角最後配杯咸檸七，滿足