滬江飯店

营业中

休息中

滬江飯店雖然位於地窖，但仍然人氣不減，上次去係父親節前夕，全場滿座，我地要到第二輪時段先有位，好彩嘅係第二輪唔會限時限刻，而且質素都不錯，食完重有優惠券，所以又去左第二次😋今晚叫左鎮江肴肉、一碗酸辣湯、小籠包半條松子魚同埋炸銀絲卷。鎮江肴肉晶瑩剔透，切成小小條，好精緻，而且份量好多，肉質層層分明，沾上鎮江醋酸酸的好開胃；小籠包皮薄餡靚，夾起來唔會一夾即破，湯包嘅湯夠鮮味，不會咸，肉餡大小適中，連食2粒都不會膩；酸辣湯好特別，佢嘅色水不是深色，反而比出面嘅淺色，但辣度勁高，好辣呀🤣木耳筍絲豆腐都切成頭髮絲咁幼細，好考功夫；松子魚一流，炸到骨皮都脆晒，可以全部食晒落肚，甜酸汁出色，好明顯係自家調校，味道溫和而夠酸夠甜，好正；最後叫多個炸銀絲卷，好香饅頭麵粉味，真係一層層一絲絲嘅銀絲卷，外皮炸得好香脆，唯一係油左啲。

之前就想食但行過無曬位，今次趁着朋友生日特登訂位終於食到！第一個就叫咗冷盤，佢仲配咗個醋俾你食，牛肉比例好均勻，唔會到冰晒先攞出嚟俾你。松子魚味道傳統，但如果再多啲松子做更加滿足🤭唔會太酸我地三個人都食得晒一條！我哋猶豫咗好耐嗌乜嘢款式嘅鍋巴，最後揀咗最傳統嘅款。入邊有竹笙冬菇帶子肉片好豐富，鍋巴可以沾啲汁嚟食或者放晒落個湯度，林左食都唔會太鹹，但係會建議多啲人先叫，因為份量好足夠。當然唔少得肉絲炒年糕，配菜份量好夠食到入邊有小棠菜同白菜，好鍾意佢好特別用小棠菜加落年糕，年糕同出邊食嗰啲都有少少唔同。今次係我第一次食山藥，佢好養生的一道菜，生日有啲爽有啲粉睇吓你個人口味鍾意食邊款。佢既蔥油餅幾特別唔係一塊，食落唔會太油，葱既分量都好夠，唔會食食下無，一個切開好多分，夠大人分享煎到金黃色個樣好吸引，芋泥唔係好甜，叫俾老人家都啱，食落唔會太油係乾身款。其實最想食係佢嘅豆腐餃子，但係去到佢話賣晒😢，有啲需要預訂嘅食物都係佢既岀名，有機會同屋企人一定想再去試食！