哥登堡餐廳

营业中

休息中

大慨呢 d 就係治愈我心的 comfort food，利申中學時間中有食，當時只有呀sir同有錢同學先幫襯得起，我間中都會去，所以每次食都開心得要寫日記咁滯。。。長大左先識真正西餐係另一回事，叫六成半熟原來會比人笑不過唔緊要既，中學雞果時邊識咁多，而且呢d先係我呢代既集體回憶。前幾日要去土瓜灣工作，六點收工行過呢到，見到門面都係同二三十年前一樣，土瓜灣已經有地鐵，相信唔洗好耐都會重建講bye bye了。下次再經過可能又三兩年後所以雖然下午茶未落格都入去食了個 $130 鐵板牛柳。呢兩年因為疫情經常在家煮食，買一塊同價既牛扒可以煎得好好食，所以現在對煎牛扒標準都高了好多， 不過咁樣比較唔公平既。講返食物，用同類既豉油西餐餐廳比較，我覺得完勝了花園/金鳳/第尾。無乸口既蘇打粉鹼味，肉又無太硬好難吃。份量在相片反映到，有2塊大約250g既牛柳，只係覺得蒜容汁太多生粉。個羅宋湯酸了點，不過我回憶就係要呢種味。一邊食一邊欣賞佢地既menu，上面寫住佢地知自己唔係100分，只求有60分客人覺得ok會返轉頭。都幾老實，味道係60分左右啦。到最後waiter問啫厘要唔要落花奶，果刻又係勾起一陣中學時期

今日同兩老同埋一個朋友一齊去，去既時候大概十一點鬆，個時無乜人。同行者有二都係熟客，所以老闆都認為佢地，好主動打招呼。本來坐左係入口左邊卡位見凍，（原來係因為冷氣係右邊吹過黎），我地無講佢已經察覺到，叫我地坐去右邊卡位。服務💯！後來十二點鬆，餐廳多左好多人，仲有唔少學生添！（學生餐$35仲包凍熱野飲！） 野食方面，如題：平靚正！ 唔好睇少佢既鐵板餐無意粉/飯配，佢既扒已經好足！今次叫左牛柳同羊扒，呢個價錢黎講超哂班👍餐包好軟熟，羅宋湯比平時飲開既有啲辣。最後仲包埋凍熱飲或者特飲都無問題！同埋有啫哩送！啫哩應該係用平時超市買到個隻粉自己開，但佢有少少雜果係底好有誠意！ 仲有一提就係佢後巷既洗手間位置都好乾淨，可能係因為仲早啦。 總結黎講一定再去🤤 好食到要第一次察食評🤤多多謝教！

再次到臨土瓜環哥登堡，是次是夜訪，是意外，也不是意外。鐵板牛柳($130)已經成為了你不需要思考的選項。熱辣辣的鐵板，澆下香噴噴的蒜蓉汁，吱吱聲的叫起來。牛柳依舊軟腍，五成熟，恰到好處。薯條稍腍，更香脆更好。不過，雖然我一向也選鐵板，但望到別人的晚餐，心思思試了它。晚餐($98)沒有鐵板，但卻帶來比面更大的吉列豬扒及薄牛扒。吉豬厚切，不會炸得乾乾。牛扒普通，但份量仍足。晚餐的吸引之處是有前菜，選了法式焗田螺。田螺肉不算厚，但配那牛油薯蓉，香氣充滿整個嘴巴。羅宋湯與餐包一對老戰友，依然好味。為整餐晚飯作結，一定要是椰汁紅豆冰及花奶啫喱。椰汁紅豆冰依舊香濃，花奶啫喱則預先點定，生怕吃不到。花奶好味道，啫喱甜甜，底部菠蘿如尋寶。喜歡它的老港味，也喜歡它那60分的理論。港式豉油西餐之首，當之無愧。