富臨漁港 (已結業)

晚上路過建榮街的馬會買了注六合彩然後上去富臨食, 富臨的中午點心我就食得多, 反而晚市比較少食過小菜主要是幾十蚊至一百蚊左右, 唔算貴WOR!最吸引是八頭鮑魚一份, 當然每人點一份啦!一百蚊4隻八頭鮑魚 鮑魚有少少煙韌的口感, 正呀!點了冬瓜盅, 阿姐好好服務, 幫我地分埋, 冬瓜盅有蝦, 瑤柱, 最特別是有燒鵝的皮, 咬落去充滿油香蒸白鱔的鱔很嫩, 肉質充滿魚脂蔥爆牛肉熱辣辣當然好食! 牛肉都是蔥香, 餸飯一流!咖啡糕有點像紅棗糕的質感, 味道是偏香濃的咖啡味桂花糕有水準, 材料十足整體來說小菜算是平靚正! 可再來~

星期四去工業區附近和家人買東西, 買完都晚上天黑 了, 見到有間富臨就決定晚餐在那兒吃, 不想走太遠了想不到馬會樓上的富臨晚上食客挺多!! 也座滿了三分二!點了幾個小菜當提早慶祝中秋海皇燉冬瓜盅: 很清甜, 冬瓜盅份量很多, 至少可以分了10碗出來, 我覺得比點菜更好, 食了冬瓜肉也有纖維鐵板雙蔥爆手切鮮牛肉: 鐵板熱上, 配上一堆雙蔥, 牛肉又嫩又香海參花菇玉掌煲: 鵝掌超級大!冬菇也超級大!! 炆到很淋入晒味, 海參也不錯, 爽口的, 味道不會太咸, 啱晒爸媽吃!生煎菜肉包: 38蚊有6隻, 算幾抵!! 煎過的菜肉包更加香口甜品試了新出的咖啡糕和桂花糕, 咖啡糕的咖啡味挺濃烈的, 不過我更喜歡吃桂花糕! 推薦呀!!十分足料, 咬一口充滿桂花香味!! 小菜主要是一百左右, 味道也不錯, 環境一定比大排檔舒服, 如果由河田/建安站行去都是大約5分鐘, 其實都方便!