富臨飯店阿一鮑魚

营业中

休息中

小孩生日，消費券又未用完，於是豪一豪佢。staycation之餘，順便食返餐好嘅。小孩愛吃鮑魚，於是揀咗呢間阿一鮑魚食下。由於我哋2大2小。怕小朋友食唔哂。於是只叫2個套餐。另外再叫2碗麵俾小孩。餐廳都唔算多人。我早一個鐘打去都仲可以訂位。職員都十分友善。都會同小朋友傾計。小孩見到鮑魚龍蝦都十分興奮。食完話要再食。（食窮呀媽啦）淺嘗輒止好啦～係頭三道菜同炒飯有睇頭，其餘都不過不失。二千幾蚊一個人，值唔值就自己衡量。我就覺得試過就算，人一世物一世。

農曆年收到阿一鮑魚禮盒，今日假日正好作午餐。一盒有真空包裝鮑魚及冬菇各四只，鮑魚麵四包，每只鮑魚直徑若兩吋，冬菇約吋半，中等面積。註明建議加熱水滾便取出鮑魚，鮑魚汁及冬菇可多煑幾分鐘，放在碟子上用刀叉吃，滿足感大些。可惜未如預期滋味，醬汁濃郁有水準，但鮑魚質感過柔韌性不足，本知道無法與乾鮑相比，但實在清楚嚐出鮮鮑之肉質。飽魚汁伴飯始終滋味，不失為絕配。鮑魚麵幼身爽口有彈性，微微鮑魚香，以清水煑不加調味料似乎淡口了些，不過不失之作。以一哥之名氣，鮑魚禮盒送禮佳品，但論食品質素，有待改進。