芳華絕代 (已結業)

每逢夜晚經過都見到座無虛席，心諗呢間餐廳啲嘢食應該都唔錯。基於限聚令關係，疫情暫時都無得堂食了。今次因為某個apps有折扣嘅關係，單點會有半價，飲品同甜品就除外。特別揀咗3點呢個時段嚟食個遲來的午餐，以為呢個時間會少啲人食嘢啦，但地下啲檯都差唔多座滿。我哋叫咗小食拼盤，雞卷丸同素菜春卷味道都幾好，雞翼正正常常，蝦餅唔夠彈牙。泰式燒雞扒飯無咩特別，飛天通菜少少辣好嘢味。叫咗兩杯嘢飲，一杯薑汁蘋果冰茶同薑檸梳打，兩杯都幾好飲唔錯啊！鍾意薑嘅朋友可以一試最後叫咗個雙色芒果🥭糯米飯作為收尾，糯米飯上面嗰層應該係碟豆花同斑斕汁嘅糯米飯，顏色好靚，打咭呃like一流，可惜芒果未多熟，有啲生。。整體上成餐飯都幾滿意，個位又夠冷氣又坐得幾舒服，侍應又幾好禮貌！

//< 芳華絕代 >去界限街一定唔會對一個寫著 「芳華絕代」既霓虹燈牌陌生，甚至大家都已經去打過卡🤪呢間餐廳有兩層，空間非常大，而且有唔少打卡位添啊！————————————————- 泰式蠔蛋餅 $98 -呢個一上檯已經：「哇！🤣」個個見到都望多兩眼👀 蠔蛋餅都有唔少漲卜卜既蠔😁而且幾香同鬆化！如果鹹多少少會仲正😇同埋佢配既辣醬都幾辣架，怕辣或者唔食得太辣既點少少食好喇😀不過幾過癮既嘻嘻————————————————- 泰北海南雞飯配白飯 $70 -呢個係lunch set menu裏面既！為咗可以食多幾個餸，所以就選擇咗白飯😆佢個雞超級滑🤩連埋爽彈既雞皮同個汁好正💓————————————————-炸蝦餅 （跟餐+$28）-小編好鍾意食蝦餅！lunch set 加28蚊可以有3舊🤤食落去較為普通，唔係好重蝦位有少少似魚片🧐～食到有蝦既部位會好食d，蝦味會重d😀————————————————- 泰式串燒拼盤 $108 -呢個拼盤係豬、牛、雞各兩串～ 串燒中規中矩，牛偏乾dd，如果可以再燒得香d會更好味～小編特別喜愛佢個汁有粒粒花生碎🥜更添口感😁——————————