Nunu燒 (已搬遷) 新店位置

天文台說晚點會掛8號風球, 暴風雨前夕不想跑太遠吃午餐, 於是又來到和安里覓食。店裏座位唔多，但咁啱有幾枱走，所以好快入到去。set lunch嚟講算有好多嘢揀。唔收加一服務費，而且玄米茶、柚子茶同薑茶可以任飲， 就咁睇都覺得幾抵。喺店員推薦下，我地揀咗J餐同M餐。同事嗰份黑松露牛肉蔥飯好快到咗，我試咗一啖——其實有黑松露我通常都會覺得好味， 牛肉就正正常常，蔥花爆得幾香， 但就唔係好夠熱。我份鰻魚因為係即叫即燒既關係，等得比較耐。熱辣辣嘅鰻魚烤得好香，唔會太鹹，肉質嫩滑。最開心係落咗好多芝士，食嘅時候有拉絲效果。雖然芝士有少少燶，但整體都 唔錯。如果想食日式午餐，但又唔想食刺身類，呢間都係唔錯嘅選擇。