影片
更多
2017-08-30
3003 浏览
作為九龍人，雖然返中環工，港島東真喺好少嚟，數數手指，可以講喺一年一次都無。如果唔喺約咗位家住東區嘅多年老死聚舊食飯，相信唔會專登走到嚟太古城。Log-On Cafe喺Log-On生活精品店旗下嘅一家日式西餐廳，一室淺木日系嘅清新環境，裝修簡約，地方頗闊落，感覺舒適。不過，由於採用半自助形式，即先到櫃位購票，將號碼牌放晌枱上，再由店員送餐，此外，就唔會特別有人招呼你，所以，搵位就要自己嚟，亦可以搭枱。大大個餐牌底面兩版睇晒，雖然相張影得唔清，食物類別難以講出嚟，但大致有全日早餐、多款意大利麵、蛋包飯、沙律、炒飯、蕎麥麵、甜品、飲品……等等。仲有個all day special嘅餐牌，共有5款選擇。所有食品，都附送咖啡、茶或博多屋豆奶（原味），亦可以加錢升級選擇其他飲品或樽裝果汁。此外，有啲額外精選加配，如小食、甜點，小弟就揀咗加配Patisserie Yamakawa嘅件裝蛋糕。日式蛋包飯 $88個蛋包飯有多種變化，可揀日式咖喱汁、香草蕃茄醬、忌廉粟米汁，而餸料則有香煎三文魚扒、吉列蝦、吉列豬扒、吉列雞、吉列蠔，如選野菜就賣平啲$78。老友選咖喱，微微辛辣帶點甜，而吉列蝦大隻好肉，口感
Log-On Cafe喺Log-On生活精品店旗下嘅一家日式西餐廳，一室淺木日系嘅清新環境，裝修簡約，地方頗闊落，感覺舒適。不過，由於採用半自助形式，即先到櫃位購票，將號碼牌放晌枱上，再由店員送餐，此外，就唔會特別有人招呼你，所以，搵位就要自己嚟，亦可以搭枱。
大大個餐牌底面兩版睇晒，雖然相張影得唔清，食物類別難以講出嚟，但大致有全日早餐、多款意大利麵、蛋包飯、沙律、炒飯、蕎麥麵、甜品、飲品……等等。
仲有個all day special嘅餐牌，共有5款選擇。
所有食品，都附送咖啡、茶或博多屋豆奶（原味），亦可以加錢升級選擇其他飲品或樽裝果汁。此外，有啲額外精選加配，如小食、甜點，小弟就揀咗加配Patisserie Yamakawa嘅件裝蛋糕。
日式蛋包飯 $88個蛋包飯有多種變化，可揀日式咖喱汁、香草蕃茄醬、忌廉粟米汁，而餸料則有香煎三文魚扒、吉列蝦、吉列豬扒、吉列雞、吉列蠔，如選野菜就賣平啲$78。老友選咖喱，微微辛辣帶點甜，而吉列蝦大隻好肉，口感爽彈，而且外層炸得香脆不膩，有水準；不過，話蛋包飯啲蛋就唔喺好包得住個飯，幸而個蛋皮做得唔老，仲帶帶點蛋漿。
日式蛋包飯
$88
50 浏览
0 赞好
0 留言
野菜大蝦扁麵配香辣蕃茄醬 $98碟扁麵一身嬌紅，而隻大蝦堅大隻，睇落都幾吸引，入口又的確爽甜，可惜得一隻，唔太夠喉；扁麵做得好，麵質有咬口，個醬嘅蕃茄味好鮮活，有份甜香，而且辣勁點到即止，唔會太嗆；不過，最失敗喺配咗件蒜蓉多士，好睇唔好食，入口就明顯知喺擺咗好耐，香而不脆。
即磨咖啡我哋兩個都無特別轉其他嘢飲，亦無試個博多屋豆奶，只喺簡單叫番即磨咖啡。然而，啲咖啡幾香、幾醇。
雜莓撻 +$40晌鋪面嘅Patisserie Yamakawa見，單賣喺$48，所以，唔喺額外加配唔喺平好多。賣相十分吸晴，堆滿士多啤梨及藍莓，切開望望，內裡嘅吉士清晰睇到點點雲呢嗱籽，真材實料，入口亦好軟滑，啲雜莓亦夠晒清甜；唯獨個撻殼麻麻哋，唔多脆口，中間加咗層蛋糕，亦非海綿蛋糕般軟綿。
雖然是夜試嘅嘢唔多，但食物都頗有質素，環境又輕鬆寫意，最緊要都喺同咩人食飯啫，難得老友抽空一聚，食咩都可以啦！
张贴
