真鮨 (已結業)

想同朋友食下高質日本菜，於是黎左呢間，間店細細地，想去食既話記得book位！前菜嗌左個焗蟹蓋，調味不錯，賣相好，又大大隻，有好多蟹肉喺面，好香好正！清酒煮硯個湯底意外地鮮甜，我飲晒有好多隻硯，硯肉又大粒！什錦刺身拼盤，魚生好大塊，夠新鮮，性價比高，我最鍾意係帶子同牡丹蝦,真係好鮮甜！我嗌左幾舊壽司，特別欣賞燒帶子同埋燒鰻魚，呢間餐廳嘅壽司都唔錯，大大塊海鮮喺上面，燒汁又甜又香！環境舒服乾淨，位與位之間空間夠大，不會好迫，係日式裝修，侍應態度專業,我喺隔離枱拎左支豉油自己倒,但是侍應見到就即刻過嚟幫我地倒，咁既服務係意想不到既。仲有小插曲係我留咗袋野係個座位度，出左門口，有個侍應追上嚟俾返我，感動呀

同朋友係尖沙咀搵食，見到依間食日本菜嘅Moshi Moshi，望見放係門外嘅餐牌上嘅刺身同壽司唔錯咁，價錢又合理，於是就黎食個晚餐。餐廳提供唔少刺身嘅選擇，樣樣都想試，最後叫咗雜錦刺身拼盤($256)。拼盤有三文魚、帆立貝、墨魚片、甜蝦等等，賣相精美，刺身新鮮清甜，其中三文魚係厚切，魚香啖啖均勻，而帆立貝肥美多汁，墨魚片爽口鮮甜，真係睇得又食得。壽司方面，我地叫咗4款火灸壽司，包括蟹膏帆立貝($34)、鱈場蟹腳($38)、墨魚($20)、魚背邊($20)。火喉啱啱好，而飯的份量適中。蟹膏帆立貝最令人眼前一亮，上面嘅蟹膏味道非常濃郁，同帆立貝好夾。海膽和風軍艦2件($84)，滿滿嘅魚子、海膽、吞拿魚，多到就黎漏出黎>< 魚子爆汁，海膽新鮮，吞拿魚香滑，非常惹味。天婦羅拼盤($82)，有大蝦、蕃薯、茄子、青椒。天婦羅即叫即炸，仲係熱辣辣，炸粉唔多，有良心~

趁著今天是星期五，特意來一個自製早放，跟好友來一個happy Friday。這間餐廳位於金巴利道，從尖沙咀地鐵站出發大約走五分鐘便到，地點尚算方便。這間餐廳的裝修簡單，令人感覺舒服。但要注意的是門口有一條樓梯，如果要照顧老人家或是小朋友就可能要留意一下。我們一行二人點了幾道菜分享。1) 雜錦刺身拼盤(⭐⭐⭐⭐💢):這個刺身拼盤一式六款，包括了三文魚，油甘魚，北寄貝，帶子，赤蝦和魷魚。三文魚和油甘魚都是厚切，脂肪分佈平均，入口即溶。北寄貝和魷魚吃起來爽口，而且魷魚是包著青瓜的，十分特別。相比之下赤蝦較為細隻，但也鮮味，肉質結實。2) 各式壽司(⭐⭐⭐⭐💢):另外叫了四款壽司，分別是三文魚腩，劍魚腩，黃金蟹膏和蟹鉗軍艦。三文魚和油甘魚壽司不過不失，十分肥美。蟹鉗軍艦看起來十分吸睛，味道也不錯，蟹肉鮮甜而且結實。蟹膏也挺為甜美。相對之下，這個黃金蟹膏吃起來較為香口。3) 各式串燒(⭐⭐⭐⭐💢):另外也叫了幾個日式串燒，包括雞皮，雞肝，豚肉和牛舌心。串燒都是即叫即燒的，上枱時還是熱辣辣。豚肉串燒加了七味粉，吃起來微辣，十分惹味。雞皮十分脆口，送酒一流。另外牛舌心和雞肝也挺不錯。4) 明太子玉子