紅火鮮料火鍋專門店

营业中

休息中

呢幾日天氣急降，凍冰冰梗係約埋朋友食火鍋暖下個身啦！今次試呢間紅火鮮料火鍋專門店，地方都唔會太逼夾，不過一開始分到既枱位置唔太好，老細見我哋坐得辛苦仲幫我哋轉左去坐卡位添，呢個要抵讚佢既Menu都有啲複雜，除咗有三個豪華等級外，星期一至日唔同時段既價錢都唔同，仲要選擇食中日韓邊個套餐，即係火鍋、刺身同韓燒，我哋都思考鬥爭左好耐先決定食書放題。綜合嚟講，刺身同雞煲都係水準以上，絕對無偷工減料，我哋食完成隻雞既雞煲其實已經飽左一半之後再叫清湯火鍋，啲火鍋配料既鮮味都好足，亦都有好多選擇，特別係有田雞食呢個係驚喜唯一係兩個鐘真係唔夠時間食，仲有時限半個鐘前就會cut單，如果要叫野真係要自己睇住時間啦！

如果經過旺角又想打邊爐，周圍都要排晒長龍，咁呢間就啱你，所有嘅食物都普普通通，但就想打邊爐咁呢間就啱晒，同埋呢間位於兆萬嘅邊撈，價錢黎講算係中下，如果你早啲入座$200有找，同埋係食兩個鐘，但食物款式都係傳統邊撈都有嘅，同埋佢哋嘅座位都唔算太闊落，但佢哋可以加錢韓燒同放題，我就覺得淨打邊撈或者食雞煲已經夠

成班麻甩佬波友搵地方食飯吹水，都係揀任食雞煲打邊爐，朋友推介呢間就即管試吓。兆萬中心中學時就成日蒲，今日又返返嚟，呢間喺兆萬17樓。先講講個雞煲，份量足料，雞件好鮮，喺任食雞煲界嚟講算係好有質素。然後到火鍋配料環節，選擇繁多，豐儉由人，如果大家想食豪d仲可以加錢食海鮮，如珊瑚蚌，桂花蚌等，見隔離枱有叫望落都新鮮，但我地成班麻甩佬決定主攻牛肉。麻甩佬打邊爐食牛當然係all-in式，雪花牛切得厚薄適中，食落新鮮 又有肉味。牛肉外其他配料都好食，特別推介魚皮餃。飲料櫃飲品亦有好多選擇。總結：任食雞煲火鍋嚟講算係有質素加性價比高，值得推介！