捌加廿陸天婦羅居酒屋

营业中

休息中

約朋友食飯，今次嚟到尖沙咀，麼地道緬甸壹一帶有好多居酒屋，而呢間雖然係小店，但好出名同勁多人排隊，一於就食呢間啦。 特盛海鮮天丼材料十分豐富，兩隻炸蝦十分彈牙，廣島蠔肉質鮮甜滑溜，蠔肉飽滿，鮮帶子鮮甜肥美，蝦膠鮮味彈牙，蝦味十足，蓮藕係爽脆嘅，仲有本菇同四季豆樣樣齊。 芝士豬扒啱啱炸起嘅豬扒熱辣辣，中間夾住一層芝士有拉絲效果，豬扒肉質軟嫩。 雞皮餃子不得了！雞皮鹹香脆口，一啲都唔會覺得肥膩。餃子外脆內軟，雞皮同餡嘅比例剛剛好。 芝士年糕炸年糕軟糯，甜甜哋，咬落去大量流心芝士爆出嚟，勁正！

週日走到棉登徑覓食，找到一家人氣天婦羅居酒屋，決定一試小店裝潢具有特色，佈置成日本魚市場，打卡位無盡多佈滿日式燈箱招牌､懷舊燈籠､海報貼滿牆上座位不多，氣氛熱鬧，猶如置身於日本居酒屋小食雞皮餃子外皮金黃酥脆有嚼勁，餡料鮮美，肉汁豐富芝麻雞翼經過醃製增添風味，表面灑上芝麻，香口非常天婦羅自選定食奉送龍蝦味噌湯及前菜，天婦羅即叫即炸香蔥牛油飯滿滿蔥粒鋪滿飯面，香而爽口，加上牛油兩者相互發揮炸菠蘿伴雪糕的海鹽雪糕口感清新，冷與熱完美平衡

喺尖沙咀一蘭拉麵嘅隔離開咗一間有特色嘅居酒屋！呢間捌加廿陸天婦羅居酒屋主打各式各樣嘅日式天婦羅，餐廳整個裝修設計都洋溢住滿滿嘅懷舊日式風情，仲會播放住輕快嘅日文歌，氣氛爆棚🌟～蒲燒鰻魚丼💰HK$88有龍蝦味噌湯同埋前菜！龍蝦味噌湯多咗一種龍蝦嘅鮮甜味，好特別！蒲燒鰻魚丼鰻魚肉質嫩滑，配搭惹味嘅鰻魚汁、少量嘅紫菜碎碎同米飯，風味十足～自選天婦羅定食💰HK$30同樣都有龍蝦味噌湯同埋前菜！自選天婦羅就叫咗雞肉天婦羅、皇帝蟹棒天婦羅同埋南瓜天婦羅！每款天婦羅外層嘅炸粉都好薄好香脆，內裡食物依然保持鮮嫩多汁！主食揀咗熱嘅鰹魚湯烏冬，湯底濃郁，烏冬係偏幼身果種，掛湯能力高而且口感煙韌～雞皮餃子(5隻)💰HK$48外層嘅雞皮炸到好香脆，比人嘅感覺油而不膩！一咬落去啲餡料仲有少少爆汁嘅感覺～磯燒鮑魚配帶子💰HK$58磯燒鮑魚表層都有薄薄嘅一層炸粉，內裡肉質鮮美有彈性！而帶子天婦羅就外脆內鮮嫩～日本提子汽水💰HK$10味道酸酸甜甜，清新解膩～