Wing It! (已結業)

燒～雞～翼～我鐘意食！😆 BBQ一定要食雞翼，食日式串燒一定要食雞翼，打邊爐都要食雞翼～😂 身為雞翼控嘅我， 知道銅鑼灣開咗一間新嘅雞翼專門店， 梗係要黎試下啦！ 叫得「Wing It!」， 顧名思義就梗係同Chicken 「Wing」有關啦～😏 店舖面積不大，只有十多個吧檯座位， 但都算坐得舒適。 這裏的食物主要以小食為主， 主售雞翼、薯條🍟和期間限定的小吃如炸芝士和洋蔥圈。 雞翼有兩款口味：Original 和 Crispy ， 即是原味和脆炸， 份量可選 4 隻（$40）或8 隻（$75）， 如果決定唔到邊款口味， 仲可以要求店員half half，一次過試晒兩款添～👍🏾 個人來說，兩款雞翼都相當美味， 原味的，外皮煎至微脆，但一點也不油膩， 脆炸的，炸脆之餘又不會太熱氣， 仲有一粒粒crispy口感。 最重要係每隻雞翼都大細均一，肉嫩多汁， 其實唔蘸任何醬汁都夠晒滋味！ 不過有咁多醬汁喺度，點可以錯過呢？😂 有多達15款醬汁和3款調味粉， 其中推薦自家製水牛城雞翼， 比普通嘅水牛城雞翼更香辣惹味！😋 蜜糖是拉差味道獨特，又甜又辣，很有趣！ 其他如芥末蛋黃醬、蒜香蛋

wing it 在銅鑼灣禮頓道，雖然距離港鐵站還是會有一點小距離，但其實小店是在著名炸雞脾熱狗魚柳包的餅店旁，基本上愛吃的都不會怕難搵。店鋪面積不大，只能坐大概十幾二十人，但用色鮮明，光鮮的黃色讓人感到震奮。小店主打一味： 雞翼，有炸的和煎的，分3種價位。另外有數款炸物如薯條蕃薯波芝士條等。這裡的雞翼吸引我的原因： 是那數十樽不同味道的醬汁！連鎖店shake shake 薯條一次只有一款粉，這裡是十幾款任揀，想落幾多就幾多！最讓我忘不了的，就是那支叫「忘不了」的醬，味道酸辣醒胃，有點像加辣版的泰式雞醬再加沙律醬。另外墨西哥芫荽醬也非常特別，絕對是一眾芫荽老粉的至愛！！我仲加錢轉左一客味做黑松露醬，份量多而不欺人，so nice!By the way, 仲有一樣不得不提的是，呢到d炸雞翼肉質嫩滑又多汁！雖然係比隔離貴，但最重要係呢到無隔離餅店果種千年油（煙）味! 係銅鑼灣食炸雞翼終於有地方可以食得健康D 同chill D！！

如果唔係上次喺隔離食過雪糕，又點會留意到呢間雞翼專門店，哈。當晚時間太夜，小店已經關門，事後上網搜尋先知，原來此店係開左冇耐，吸引作為雞翼控嘅我一試。以往上班係放週末，最近終於明白，放平日有放平日嘅好處，冇咁多人下午茶時間黎到小店，只有兩三枱客人，坐得舒適。店面以鮮黃色為主調，好搶眼。餐枱用上高枱高櫈，配合美式小食店風格餐牌供應雞翼、雞翼同埋雞翼，期間限定供應炸芝士條、洋蔥圈、炸玉米等，起碼選擇多少少，未至於獨沽一味，畢竟雞翼都係屬於家常會食，上至燒肉店，下至茶餐廳都會供應嘅食物，要如何突圍，小店就靠N款醬汁，作為雞翼控，可以一試，特別係嗜辣的由於我地已經食左午餐，純粹為食，過行路行又口痕，所以並無點太多，只係揀左12隻雞翼分享。雞翼定價$40/4隻；$75/8隻。兩款煮法 - 原味/炸，而至於口味，基本上係自定。因為近收銀位置陳列左店內嘅醬料、調味粉，鐘意落乜就落乜。醬料接近廿款！有藍芝士、千島、蒜香蛋黃、田園、芥茉、蜜糖是拉差、水牛、肉桂糖香等。新鮮感一定有，因為有啲醬料確係未曾試過拎黎配雞翼亮點係，仲有差唔多十款辣醬，大部分由店主喺美國購入，分唔同程度，有啲見都未見過，但睇包裝已