Primo (已結業)

經朋友介紹來試下，地方細細地，但整體環境幾舒服，性價比高👍👍👍田園沙律配上意式香醋汁既生菜，羽衣甘蘭，青瓜，車厘茄和洋蔥沙律打開了味蕾，相當開胃，香醋汁既酸度雖有點濃，但酸得幾過癮......食肉獸薄餅Pizza份量好多，有6大塊，餅面鋪滿意大利辣肉腸，火腿，煙肉，香腸，洋蔥，甜椒，黑橄欖，水牛芝士和蕃茄醬汁等材料。拎起第一塊pizza時，仲可以拉絲，感覺好療癒。幸好個餅底夠薄身，而且焗得好脆，就算食左3塊都完全唔覺得濟和油膩。雞肉牛油果潛艇堡一上枱時，有點嚇親，份量好多，足足有2隻潛艇咁多，潛艇夾住雞扒，牛油果，車打芝士，生菜，蕃茄，青瓜，洋蔥，相當豐富。而配菜簡左甜薯條，薯條炸得卜卜脆，甜中還帶點微辣。可惜不是Happy Friday,否則可以叫番杯酒chill番下💦

又到開心星期五，和好友來灣仔食好西。依間酒吧餐廳格局精緻，柔和的燈光下播放音樂非常舒適。美食有不少選擇，薄餅、意粉、漢堡、小食和各式酒類飲品，價錢經濟樣樣都好食，CP值幾高。臨走前隔離枱點的薄餅剛到，傳來陣陣香味，聞到勁想食，唯有等下次啦。西班牙辣蒜香雜錦海鮮汁扁麵條 $128蒜香味濃厚加上少少辣非常惹味，扁麵條口感煙韌，配料蝦仁、鱿魚粒、青口都好足料，好掛汁非常好味。雞肉牛油果潛艇堡 $128沙律一點也不馬虎，紫椰菜口感爽脆切成幼絲撈埋沙律醬好好食。潛艇堡切成兩份仍然相當大份，一個人食難以ＫＯ晒，法包外脆內軟，雞肉厚肉大塊帶點焦香，仲有芝士、生菜、蕃茄、紫洋蔥和牛油果，一啖咬落去口感味道豐富。薯條都炸得出色，外層非常香脆薯肉好淋，層次好分明，點茄汁食正。巧克力泥蛋糕 $62擺碟精緻賣相滿分，欣賞廚師其用心，值得一讚。蛋糕周邊放了多種生果粒。主角蛋糕口感綿密黏稠，巧克力味道濃郁，就咁食相當甜，溝埋雲呢拿雪糕食甜度就剛剛好了。