協香麵飽西餅

营业中

休息中

🇭🇰協香麵包西餅·難得嚟到粉嶺 梗係要食晒佢呢一度出名嘅小店😈我覺得我地呢一日喺粉嶺食嘅嘢全部都幾好食 超級滿足🥰🥰·雞腿包$8.5呢間麵包舖其實就係四眼仔腸粉對面 好易就搵到 之後佢個雞腿包我覺得比相更靚 因為佢隻雞髀都幾大隻 而且好香😌不過佢個麵包係偏實嗰種嚟嘅 所以勁飽 之後個雞髀嗰調味都唔錯既 係好似豉油皇雞髀咁樣 而且佢係一咬就冒晒煙 超級熱辣辣🤩啲肉都仲係幾嫩嘅 不過我自己覺得佢有少少雪味🤭🤭但係呢一個價錢都OK嘅 始終佢咁平🤣·📍粉嶺聯和墟聯盛街24號地下·#rbyeat #rby好去處#rby港式#rby粉嶺

有朋友住粉嶺， 早幾日問開佢有咩必食推薦，佢諗都唔諗就講話 緊係雞脾包啦.於是今日行過粉嶺就去左買個黎試試佢啦去到岩岩新鮮出爐，成盤都係滿滿既雞脾包食落口，麵包同雞脾既比例好夾呀同埋雞脾係鹵水過，好香！$8.5一隻雞脾包，抵到爛美心菠蘿包麵要$5啦！絕對值得再食

協香麵包西餅，我係為咗雞腿包而嚟，當日仲要啱啱出爐無耐，買嗰時仍然係暖嘅。以麵包包著雞腿，外表有趣。麵包外皮微脆內鬆軟，雞腿睇落就較為乾身，不過咬開就有少許少許少許肉汁，大小適中，攞上手食都幾方便。都算得上惹味但唔算出眾，就係貪得意，反正又唔洗十蚊一個嘅。

今天是幸運日！到達的時候，雞腿包剛出爐雞腿包--HKD8.5nomnom指數(5最高分):+0.5剛出爐的麵包永遠一定會加分。麵包皮脆小甜，內裏不能說非常鬆軟，但有應有的軟度；小小的豉油雞腿，有光澤。雞肉不算老，有豉油味；豉油沒有因為太多而令麵包變'林'，它滲入了包著雞腿附近的麵包變得更惹味。其實香港已很難經營傳統麵包店，要於眾多麵包突圍而出也要花點心思。協香的雞腿包絕對是好例子！