榮式燒雞扒 (已搬遷) 新店位置

找店中，看見丹麥屋轉入橫街後，直行到最入最尾，便到了！好少會行到咁入咁找東西吃。好逼好逼，就算瘦人坐係度都唔郁得，一郁都會一係比人（出入的食客和不停走來走去的侍應）撞，一係撞到人，跌東西落地下真係好難執到。這是一間超細的食店，但有數部閉路電視監察住，午飯時段滿座，這樣屈在一個正方形盒吃飯（仲要俾身前的袋子頂住，身後又比走來走去的人撞著）超級不自在不舒服。估唔到有餐廳這樣像籠屋。價錢合理啊！但真係好逼。點了兩個午餐，包飲品。雞藕天成飯，配熱咸檸蜜 $51雞扒：雞肉的質素不錯，但調味一般。整體感覺是一塊煮得一般的好雞扒。蓮藕餅：炸得好，不會乾，好味！比一般水準高。配菜有特色，看似吸引，但味道冇特別，不覺好味。飯的質素：看得出米的質素不錯，但煮得太乾了，乾淨淨難以吃下。熱咸檸蜜：超級有驚喜！感覺非常新鮮的咸檸檬，好濃，好好味！雞扒肉燥飯，配熱奶茶 $51肉燥：一般。ok啦～總結，這間食店食物質素不錯，但不至於好好吃。地方太細太逼，不適宜細路。想了又想，最適宜曖昧中的情侶，入來親密地shoulder to shoulder 坐底食飯吧～

久仰榮式燒雞扒尼個名好耐，今日一試佢既雞藕天成飯，其實即係燒雞扒+蓮藕餅飯。雞扒都算軟滑，有肉汁，不過好咸，其實塊雞扒已經好入味，但個飯仲要有好多豉油，仲要唔知做咩有堆薑蓉係塊雞扒下面，就搞到成個飯都好咸。蓮藕餅d蓮藕好少，肥肉太多，成塊餅好肥同好油。眼見幫襯既大部分都係男人/藍領，所以佢地覺得ok，不過女仔食就應該會覺得個飯好肥膩。