肇順名匯河鮮專門店 (已結業)

星期一Monday blue, 成班同事想食個好食既lunch來balance下心情, 有成十個人咁多一於去飲茶啦.九龍灣隨近既茶樓都有好多選擇, 淨係Megabox都有5-6間, 大家討論左一陣決定去肇順. 呢間肇順連續8年有米芝蓮車呔人推薦, 之前都食左幾次, 感覺性價比高, 亦都有幾個撚手小菜幾特別, 蝦醬炒芥蘭, 蝦多士同埋雪山叉燒包可以一食再食

男朋友其實都幾鐘意飲茶，但因為我以前番工成日都飲，所以放假都唔想又去茶樓。不過，偶然都要遷就下佢，今日決定去飲茶、睇戲。可能落住大雨，megabox架shuttle都等左一段時間…有少少焦躁…酒樓喺7樓，佢地幾特別嘅，逢星期六、日、公眾假期冇分早、午、下午茶市，一律大中小點照原價5折，其實睇價錢都幾抵客人就唔需要特別就邊段時間會優惠啲，變相唔會好似出邊啲茶樓咁，一到下午茶就勁多人。茶位 $9/位，餐前小食 $8/碟週日客人都唔少，好在我地只係兩位，唔洗等位！本來就C9上身，諗住主力叫大、中、小點（因為半價），但見其他點心價錢都唔係特別貴，最後就隨心所慾喇。反正唔係時時同男朋友飲茶，滿足下佢。肇順蝦餃皇 $28.8 (特點)蝦餃皮薄，蝦肉彈牙，好食~原蝦燒賣皇 $28.8 (特點)燒賣係用原隻蝦，都幾大隻，而且感覺都新鮮豉味蒸鳳爪 $13.5 (中點)鳳爪不過不失啦，普通酒樓貨色，不過有半價真係幾抵食！上海小籠包 $16 (大點)小籠包唔掂啊…皮厚冇汁，餡料較少，冇乜味道…薑蔥牛栢葉 $16 (大點)牛栢葉份量不少，不過較碎，接近傳統舊式酒樓嘅味道，普普通通。安蝦鹹水角 $13.5 (中