馬來椰爺

营业中

休息中

馬來椰爺位於小島料理隔離，雖然位置偏遠，但仍無阻食客慕名而來。餐廳主打無味精湯底，但係味道依然濃郁，真係好impressed！每碗湯麵送上黎熱辣辣，香氣撲鼻，食落去超滿足～ 餐廳提供三款湯底，今次試咗兩款都好滿意，必定會回訪🥰----------------------------原隻軟殼蟹蜆肉湯招牌椰爺秘傳叻沙摻摻 $118湯底真係💯湯底濃郁同椰香味好重，足料得黎又唔會膩。餐廳標榜無味精，食完都唔太口渴。即使部分軟殼蟹已經浸咗落湯，但唔會腍曬，依然厚肉多汁，入面仲有蟹膏，超滿足😍 叻沙仲有其他配料，例如蜆肉、青瓜、豆卜，味道豐富。摻摻（油麵+米粉）好索湯，食完非常滿足😆----------------------------虎蝦帆立貝 三重香蝦叻沙湯摻摻 $98湯底由叻沙香蝦、日本櫻花蝦同爆炒辣香蝦同埋虎蝦長時間熬煮而成，蝦味非常濃郁而且鮮味十足，亦可見小店之心思😗虎蝦亦炒得好爽彈香口，好值得嗌！----------------------------雪糕斑斕咖央多士 $40多士底烘得幾脆，斑斕味都幾突出。多士以雪糕取代牛油，令多士冇咁邪惡得黎好消暑💦

史努比放假好開心 於是乎就去遠少少今次嚟到大角咀一間主打無味精叻沙嘅小店環境比較窄 座位唔多大熱天時依然都有唔少人喺門口排隊😳到底系咪真系值得排呢?試下咪知囉🤭~小插曲~呢度系用QR code落單 史努比㩒好嗌咩之後以為自己已經order咗 點知原來冇提交訂單 即系冇落🤦🏿‍♀️結果我哋霸咗張枱成15分鐘 店員覺得奇怪走嚟問我哋落咗單未 史努比先發現原來冇提交訂單 霸住張枱咁耐喺度講返聲唔好意思🥴🥴🙏🏿-👍🏿原隻炸軟殼蟹蜆肉無味精椰爺秘傳叻沙摻摻 $128嚟到嘅時候真系比佢嚇一嚇勁大個碗仲要超足料 軟殼超級大隻😳夾起都幾聚手 真系有翻咁上下重量我哋都未見過咁大隻嘅軟殼蟹 好驚喜😍史努比快快脆打完卡就即刻咬啖好脆口😛炸嘅時間啱啱好 蟹腳脆得嚟唔會炸到太硬👍🏿重點系佢爆晒膏🤤大家可以睇P.5🙈真系勁多膏 蟹肉亦非常飽滿又鮮甜食完隻軟殼蟹已經好滿足😋但主角而家先出場 系叻沙呀😍湯底好濃郁 辣得嚟帶有椰奶香唔係乸喉嗰隻辣 辣度喺我哋接受範圍內(平時唔系太食得辣🥴)有兩款麵分別系米粉同油麵油麵就正正常常米粉幼細 配上呢個咁正嘅湯真系好好食🤤配料亦毫不吝嗇蜆肉完全冇沙 鹹中帶甜有三舊豆卜 索晒呢湯精

想食喇沙就諗起大角咀既馬來椰爺，今次是第二次幫襯，5點半嚟到大角咀見無人排，天氣又熱就去附近廣場涼下冷氣，等到5點45分，發現已有6、7個人排隊，見有人開始排，當然都要排住隊先舖頭不時做一些期間限定的菜式黑醬特級肥牛 滷水燉金沙骨 無味精 馬來香濃咖喱叻沙 摻摻麵底是粗麵+米粉，麵底份量都多，肥牛份量都算多，沙沙骨大約有3、4舊，本身有豆腐卜、白魚蛋、芽葉、青瓜絲，所以成碗麵份量十分足料虎蝦帆立貝海鮮 無味精 馬來香濃咖喱叻沙 摻摻麵底同樣都是粗麵+米粉，份量都多，餸有虎蝦2隻，帆立貝，蜆肉，同樣都有豆腐卜、白魚蛋、芽菜、青瓜絲雪糕斑斕咖央多士用雪糕取代牛油，雖然係進食既時候雪糕會流出嚟，但無牛油咁油膩食物質數很不錯，無可挑剔，唯一是舖頭太細，坐位不多，所以都坐得幾迫下，不過沒辦法，香港的驚人租金，迫使小店難以負擔驚人租金