上海婆婆 (已結業)

中學既時間食開一間係屯門既上海婆婆，但好耐之前執左。自此之後，我就好少再食。但早幾個月係VCITY再開番，就決定同爸爸媽媽去試下！佢既裝修同以往唔同左，有可以可愛既懷舊圖案，又畫左舊時小朋友最鐘意玩既遊戲係牆上面：跳飛機。再加埋暗暗地既燈光，好有懷舊既風味！我地三個人叫左7道送😳感覺好似好多，但因為份量唔算太大，所以都食得曬架！必叫既送有兩道：小籠包，紅燒腩肉！小籠包要小心d咬，皆因入面有好好味既湯汁，正宗皮薄餡令！至於紅燒腩肉，肉質好滑，醬汁一流！不過唔好成日食，實在係有點肥架😳😳其餘仲有煎鍋貼，不過不失既一道菜式。雪菜肉絲炒年糕，幾有飽足感，唔想普通食飯既朋友，都可以一試。仲有魚上湯粉皮，好有香濃既魚味，奶白色既湯，認真落足料！仲有一個高力豆沙，以往既豆沙餡本人非常十分鐘意，但而加加入左香蕉，就無咁喜愛嚕🙈不過總體黎講，而加既上海婆婆仲保留住以前既水準，食身質素高，服務態度好！值得比個讚！

去完容祖兒係屯門vcity個簽名會，見餓餓地，就去左樓下間上海婆婆度開餐啦。其實呢間o既裝修同其他上海婆婆好唔同，行過都差d miss左。首先講下佢ge裝修先，製作好用心，成個感覺好似去左間古董幼稚園咁，牆上面畫左好多畫，後面又有兒時常見ge黑板，本menu好似本兒童圖書咁，成個主題好match因為兩個人都好肚餓，比平時叫多左野食頭盤叫左個四小拼試下 (肴肉，燻魚，烤夫，排骨)個人覺得烤夫煮得最好入味，又唔會太咸小食叫左個椒鹽小黃魚同桂花蜜汁金沙骨椒鹽小黃魚炸得o岩o岩好，一d都唔乾，魚肉仲係白雪雪，好新鮮，抵讚！再泥就係個桂花蜜汁金沙骨，桂花味好出，好清，同一般o既上海菜好唔同成餐最好味就係個黃金四季豆，我一向都唔鐘意食咸蛋黃，因為覺得好漏，但係呢度用左四季豆抄，好match, 完全唔覺得漏，一個人食一碟都得呀！最尾食埋個雪菜肉絲炒年糕，清清地其實係一間集團式o既食肆食到d咁o既水準一d都唔簡單，仲要做到每一樣出泥o既送都係熱熱就要額外再加分！

之前已經好鍾意食屯門市廣場果間上海婆婆,晚晚都咁多人排隊好可惜之後執左.......近排知道上海婆婆搬左過黎v city之後,真係勁開心好想再食返上海婆婆所以就拉埋呀爸呀絮一齊去試啦雖然v city冇屯市咁就腳,而且L1呢層搵左好耐都搵唔到但去到之後都依舊要排隊,不過就冇屯市果陣咁多人而排隊都唔洗排好耐入到去之後,個餐牌都幾靚,多左好多相咁我地首先就叫左我一直都好鍾意食既小籠包小籠包都係好似以前一樣咁好味,好多湯係入面之後我地叫左個四季豆,都ok之後,我叫左我之前好鍾意食既粗炒,都係咁好味,不過可能油左少少而果個婆婆粒粒炒飯好食,佢d飯炒得夠乾身,真係可以一粒一粒咁既不得不提係呢個雪菜肉絲炒年糕,夠哂特別!!呢個年糕唔油,個感覺都幾清新炒年糕都食得幾多,但都係第一次食雪菜肉絲炒最後埋單價錢雖然都唔算平,但咁既質素都值得啦~~~我憝我下次都會再去~~~!!!