上海婆婆336 (已結業)

因為媽媽喜歡吃上海菜， 晚上專程到東港城的上海婆婆336用膳。我們大約六點半入座，點了四小拼$102，鱔糊粗炒$92，生煎鍋貼$36，雪菜肉絲炒年糕$75，香蕉高力豆沙$48。四小拼有鎮江肴肉，小排骨，脆鱔，烤麩。鎮江肴肉晶瑩通透，但啫喱部分比較多。小排骨有點似糖醋排骨，甜甜酸酸的和肉質鬆化。 脆鱔入口卜卜脆，食到停唔到口。烤麩口感煙韌， 味道唔錯。 生煎鍋貼 一碟有三個， 可惜唔夠熱，還好肉餡鬆軟爆肉汁。雪菜肉絲炒年糕， 年糕煙韌有咬口，配上雪菜肉絲不油膩。香蕉高力豆沙一碟四個， 送上枱的時候香噴噴脹卜卜， 裏面還有香蕉和豆沙，面層布滿糖粉， 入口綿滑香軟。鱔糊粗炒是我最喜歡的上海菜，麵條炒得夠韌性，味道剛剛好不會太鹹，唯一感覺鱔的質感比較軟身。整體上來說上海婆婆336是一間性價比高的上海菜，價錢便宜和質素唔錯。店員服務態度可以。

一家人竹戰八圈後去食個夜飯。去到餐廳已經差不多九點，已經得返三枱差不多食完嘅客人。正所謂阻人收工尤如殺人父母，為左慳大家時間我地一路㨂食乜一路用張紙仔寫低該餸菜喺餐牌上嘅號碼，諗住唔駛又讀一次俾侍應聽，點知阿姐話俾個號碼佢冇用，要我地逐個餸講返佢聽⋯OK唔緊要，但係咁啲號碼用嚟做乜?呢啲小事都唔緊要, 可惜食物水準在預期之下。上海菜嚟講我個人都係鐘意啲上海老舖, 即係待應多數係老伯伯嗰啲, 感覺除左味道, 仲有風味同懷舊味道, 可惜呢種老舖內會越來越少。