醉潮館

营业中

休息中

🙋🏻‍♂️餓底探員今晚去咗荃灣調查呢間打冷小炒菜館，餐廳嘅裝修充滿古式風格，喺度用餐好似置身於古代咁，食物用心製作，夠鑊氣，難怪坐滿人客🍲砂鍋卜卜蜆煲 $188📸表示啲蜆份量超多，鋪滿咗成個煲，好大鍋，底下有粟米，節瓜同粉絲🙋🏻‍♂️表示個蜆食落鮮甜，每粒都無沙，洗得好乾淨，個湯充滿住蜆肉，粟米同冬瓜嘅鮮味，非常清甜，由於啲蜆真係好多，食晒呢煲蜆都半飽🥩蜜椒脆薯牛仔粒 $128📸表示個牛仔粒加咗脆薯，蜜椒同洋蔥嚟炒，放咗喺個竹盤上，一上枱香噴噴，夠晒吸引🙋🏻‍♂️表示個牛仔粒肉質鬆軟，牛味香濃，薯寶炸得香脆，配埋蜜椒同洋蔥嚟炒，食落好惹味🥬雪裏紅蝦干通菜煲 $88📸表示個通菜煲份量多，入面加咗蝦干同豬肉碎嚟炒，一上枱聽到咋咋聲，熱焫焫好夠鑊氣🙋🏻‍♂️表示個通菜鮮嫩，配上蝦干嘅鹹香同豬肉碎嘅脂香，食落香口惹味📈吃貨指數😋好味度 8/10🔙返啅度 8/10

第一次黎三陂坊食飯，揀左醉潮館。紅燒籠中乳鴿，賣相好得，乳鴿燒得好香，皮又脆。韮菜豬紅，豬紅切片加上大量韮菜，冇腥味又滑，調味幾好，少少辣吊味好食，同埋好大碗！雪裏紅蝦干通菜煲，招牌菜之一，石鍋上可以保持熱度，好有鍋氣，份量又多，好抵食，仲有芥蘭、菜心揀。蜜椒脆薯牛仔粒，呢個好好食！薯仔係似M記薯餅既口感，外脆內軟，加上蜜椒汁甜甜地好惹味。牛仔粒每粒肉質都好嫩，啖啖肉又有牛味，又有鍋氣👍🏼環境方面呢到比一般大排檔企理舒服，用深木色圓枱好似返去古代酒樓食飯咁，入面既裝修都幾古代化架，我地去個晚都好多人，好熱鬧。服務方面個個樓面都好好禮貌👍🏼

椒鹽九肚魚 ($78)九肚魚肉好鬆化，蒜香味好夠，又唔會炸到油林林，食落熱辣辣脆卜卜，好正 ☺芥末牛仔粒 ($108)每粒牛肉都鋪滿甜甜地既蜜汁，上面又鋪左芥末醬，D牛肉冇醃到lar到林晒，仲好有肉既質感。好味 🥰雪裏紅蝦干通菜煲 ($88)小菜唔少得叫個煲啦，D菜好新鮮，大大條但又唔會硬，葉都keep到有D口感，食到底唔覺油，而家菜汁。佢加左D雪菜同肉碎，令成個菜煲層次再提升左，送飯一流 😆加返枝藍妹 😎 perfect match