壹燒鵝 (興裕大廈) (已結業)

話說死黨突然話想食燒鵝，咁我就揀左依間新潮型格既燒味舖！一去到門口，已經覺得同平時既好唔同，門口既射燈同店內既裝修，唔講都唔知佢原來係一間燒味舖！依間既燒味係餐廳裡面自家燒製，主打蜜汁叉燒同燒鵝，咁我就嗌左個二人餐，可以揀三款燒味，仲配埋雲耳青瓜、一碟小菜同兩杯餐飲！除左主打既燒味仲揀左玫瑰豉油雞，先講燒鵝，鵝皮燒得好香，鵝肉既肉質幾嫩滑，好有深井既味道！叉燒就揀左半肥瘦，肥瘦勻稱、鹹甜適中，豉油雞有驚喜，一聞就有玫瑰露既香味，咬落雞肉既肉質好嫩滑，值得一試！雲耳青瓜酸酸甜甜，中和左燒味既油膩感，小菜揀左炸蟹鉗，炸得夠香脆，整體質素唔錯，套餐好抵食，每人都唔洗$80，值得推介！

天后的燒味是新開的，這裡是必試燒味的，自家製的！下午茶餐好抵食，$30幾蚊就有飯配飲品了，好吸引！服務員好親切友善，送餐好快又主動收碟；環境光亮又簡約的設計，有燒鵝的、游水假魚的擺設，好有心思的設計；坐位舒服好軟的梳化。點了一個一人餐（包括：雙拼燒味、涼拌雲耳青瓜配熱例湯或飲品）1. 雙拼燒味：選擇了燒鵝及叉燒。燒鵝外皮燒得好香脆好薄，唔肥唔膩，鵝肉香嫩易咬，鵝味香濃；叉燒肥瘦剛好，軟腍的叉燒好軟好味，甜香的醬汁配上香軟白飯，好正好夾！2. 涼拌雲耳青瓜涼拌青瓜入味爽脆又多汁，酸酸甜甜好健康開胃！雲耳大小剛好，黑色爽脆，通血管又健康又有口感！3. 熱例湯好夠熱的，材料有紅蘿蔔、黃皮瓜，好清甜唔會咸，飲完無口渴無味精的湯水！健康甜美！