La Famille (已結業)

上星期行街既時候，女友一直話要食戚風蛋糕，我當時毫無頭緖，完全唔知戚風蛋糕係咩，點知前面就係La Famille。La Famille正正以戚風蛋糕聞名，女友當然唔放過呢個機會，二話不說拉左我入去La Famille。用「金碧輝煌」嚟形容La Famille就最適合不過，牆身、梳化，椅子都係金色。除左原個戚風蛋糕之外，La Famille仲有賣一人分量既戚風蛋糕，餐牌所顯示既款式非常多，但玻璃櫃得翻七至八款戚風蛋糕，可見其受歡迎程度。- 沖繩黑糖栗子蒙市朗🌰表面有條條栗子蓉，甜度啱啱好。蛋糕口感濕潤綿滑，有少少有空氣感，但整體來講， 栗子味道唔重。- 意式香草奶凍味道非常一致，無論蛋糕同奶凍甚至中間嘅忌廉都充滿濃郁嘅雲呢拿味，配上藍莓令層次更豐富。- 青森蘋果吉士紅茶蛋糕面鋪上數片青森蘋果同士多啤梨，中間係流心吉士忌廉，一切開見到忌廉緩緩流出，口感香滑，同樣食極都唔覺得膩。　戚風蛋糕真係非常輕盈，忌廉只位於蛋糕正中間位置，膩度大減但同樣滋味，男女應該都會鍾意食❤️。下次買生日蛋糕可以試下La Famille嘅戚風蛋糕，一次過食晒都冇覺膩，唔使驚兩三日先食得曬。

放假就係中意周圍食，黎左銅鑼灣耀華街食cake tea time。想黎食好耐喇，最想試蛋糕同巴伐利亞！叫左二人set，輕輕鬆鬆過左一個下午。哩度既蛋糕有好多款口味，又靚，揀左好耐呀，哈哈，想食晒。焦糖完熟香蕉戚風蛋糕係香蕉味，甜度低糖，喜歡！蛋糖上面既裝飾好可愛，面頭既cream係焦糖味，最喜歡！日本柚子巴伐利亞真係想試好靚，超靚，有生果同食用鮮花，個人好中意柚子既新新，同生果和蒟蒻啫喱好夾。青森蘋果吉士紅茶 $54另外單點了哩款蛋糕，紅茶味好香，切開中間有流心吉士醬，增添口感，蘋果清甜爽口，好食。跟餐的latte同mocha拉花好靚，奶泡打得滑，咖啡合我口味。

食過佢既伯爵茶戚風蛋糕之後就愛上左佢💕今次一次過食多幾隻味：北海道秋色，榛果咖啡朱古力，日本柚子，青森蘋果吉士紅茶。我最鍾意北海道秋色。蛋糕鬆軟而且甜度岩岩好，cream亦都順滑，好食😚榛果咖啡朱古力好濃味，咖啡朱古力控一定會鍾意。日本柚子好清新，相對地冇甘膩，但其實其它都唔會好膩。青森蘋果吉士紅茶既蛋糕食得到紅茶味，入面有吉士醬，但係再多少少就更完美。同場加映瀨戶内檸檬芝士巴伐利亞，好清新。