Fûhn (The L. Square) (已結業)

早幾日同男朋友去銅鑼灣，到食飯時間突然好想食越南野，於是就去左呢間食飯，整體而言食物味道好，價錢合理，份量都算多，意想不到有驚喜😋見好多人都有推薦火車牛魔粉，我呢個愛食牛嘅「牛魔王」又點可以錯過！呢個火車牛魔粉好大碗，足夠2-3人食，用料十足！ 越式粉麵最重要就係個湯，呢到嘅湯清清地唔會好油，咸甜度適中，我地要左金邊粉麵底，金邊粉煮嘅時間剛剛好，腍得黎係夾得起方便食用，金邊粉吸左啲湯好好味！牛魔粉入面有安格斯牛、牛坑腩、手打牛丸、牛筋片、牛腩邊同牛柏葉，我最鍾意就係安格斯牛，好重肉味❤️第一次食牛腩邊，原來好有咬口，都幾好食。呢碗牛魔粉對於鍾意食牛嘅朋友黎講真係值得一叫！除左主食，我地仲叫左特上小食拼盤同鹹蛋黃薯條。鹹蛋黃薯條嘅鹹蛋份量好多，香口但唔會好油膩，食完都唔會覺得好濟👍🏻特上小食拼盤有6款小食，分別係炸牛油雞翼、春卷、手打蝦餅、炸扎肉、扎肉串、椒鹽軟殼蟹。整體味道都幾好，當中我最鍾意春卷、手打蝦餅同扎肉串。春卷外皮炸得香脆，一咬食到好多蔬菜絲，好滿足！手打蝦餅好彈牙，蝦肉份量都多。扎肉串幾特別，第一次食，豬肉味香濃🤤食完油炸物，飲番杯青檸梳打真係好refreshing，為晚餐畫

同朋友去銅鑼灣搵食，咁岩經過駱克道見到樓上有間越南菜，上去試下新野先！防疫關係台面加左塊板，唔洗驚隔離台d口水彈左埋黎！雞絲撈檬：一上菜時嚇親，因為我以為係2人份量，真係太大份，68蚊好抵。雞絲好入味，檬粉質地都好好。豬頸肉撈檬：一樣咁大份！！豬頸肉係炸的所以好脆，yummy！特上小食拼盤有炸牛油雞翼，手打蝦餅，春卷，炸軟殼蟹等等，本人最愛炸蝦餅，咬落勁多隻蝦勁足料！軟殼蟹米紙卷：賣相靚之餘味道亦好好，點埋個沙律醬好fresh好好食！整體性價比高，份量足味道又唔錯，抵食！

吃得多西餐，今晚想轉轉口味試越南菜！「Fûhn」位於駱克道The L.Square一樓，鮮橙色招牌大大塊好易認！一出升降機，一樓整層就是「Fûhn」。餐廳裝潢新派，環境舒適，至啱三五知己gathering！疫境期間，餐廳提供搓手液和口罩袋，保持公眾衛生，十分體貼！我倆二人行，各自點了湯粉和越南小食！特別牛湯粉（$108）侍應一放上枱，即被那如臉盆般大的巨碗嚇倒！巨碗裡牛肉多過湯粉，而且款式勁豐富，生熟牛肉、牛坑腩片、牛腩邊、牛筋片、牛柏葉和手打牛丸樣樣有，牛肉還要是美國安格斯優質牛呢！豬頸肉米紙卷（$68）越南菜必吃的米紙卷，喜歡其清淡感覺，加一小片豬頸肉，味道零啥搶！手打芝士炸蝦波（$58）炸蝦波是普通炸物，但加了手打芝士就立即升華了！溫馨提示：蝦波金黃香脆，即叫即炸，吃時小心拉絲芝士辣口！牛油果奶昔（$49）牛油果沙律吃得多，飲的話倒是第一次，感覺特別新鮮！牛油果果味濃郁，奶香滑溜，飲半杯已有飽肚感！青檸梳打（$28）吃過炸物再飲梳打，正！不過略嫌青檸味不足，似一杯普通七喜！最後埋單，每人$230.5，非常滋味豐富！

好耐都冇食過越南野，同朋友喺銅鑼灣行街，行到駱克道個邊，見到棟大廈有好多野食，就揀左呢間上到黎見到環境好闊落，可能因為時間仲早，冇咩人好靜應該係前菜(?)特色雞絲湯粉 呢個係regular size，已經好大碗，唔知佢XL嘅話會有幾大份😂😂😂小食拼盤2人份量，呢個真係好好食，有好熱辣辣同香脆嘅春卷，仲有蝦餅，雞翼 蝦餅係真材實料，有大大粒嘅蝦，而且好有新鮮嘅蝦味 雞翼炸到好脆，上面仲有啲脆脆，好邪惡呀越式香茅豬扒都大大份，好抵食燒豬頸肉撈檬酸酸地，好開胃，而且啲豬頸肉份量好多，肉質鮮甜又好味，好推介今餐完全滿足哂我呢個肉肉大王嘅胃