老厝邊

营业中

休息中

餐廳裝修好有台灣風味同特式，好喜歡餐廳以簡單撲素就是幸福嘅概念，簡簡單單食一餐台灣菜都可以搵到幸福嘅感覺！🐮眷村牛肉麵 $69可以揀紅燒湯，或者比較特別嘅麻辣湯同蔥油乾拌，我地揀番傳統紅燒湯湯底濃郁，牛骨味香，麵係幼身台灣麵，麵質比較淋。牛肉係厚切牛展，燉得夠入味。🐔雞滷飯 $45一般台式餐廳只有滷肉飯或者嘉義雞肉飯。小孩子才做選擇！呢到可以揀番兩樣！滷肉油脂好香雞肉好軟好滑，好似沙律雞肉咁，雞肉伴埋滷肉汁食更好食！🍳薯餅起司蛋餅 $36去台灣真係必食蛋餅做早餐！最近都冇去台灣，所以去食台灣野會好想食蛋餅，估唔到係成件薯餅夾落蛋餅到，薯餅香脆同蛋餅都好夾，芝士仲有輕輕嘅拉司效果，好喜歡加左薯餅嘅蛋餅🐸青蛙撞奶 $27兩杯飲品都揀左具台灣傳統特式嘅飲品。青蛙撞奶啫係近年大家常飲嘅黑糖珍珠鮮奶。加左黑糖嘅鮮奶比較甜，對我黎講甜度適中而且飲甜野就有滿滿幸福感！🍋蜂蜜檸檬愛玉 $24清新嘅檸檬香味加上微甜嘅蜂蜜，非常解渴！揀滑嘟嘟嘅愛玉零負擔，比珍珠健康！

肚餓時特別想來這間小店吃台式美食想起它的滷肉飯🤤一點都不吝嗇好多滷肉而且多汁送飯好滋味！每次來到必叫蛋餅今次點了薯餅蛋餅一樣咁出色薯餅香口鬆脆 跟蛋餅好配！再點上汁一起食味道更豐富多層次😆野飲有驚喜😍第一次嘗試青蛙撞奶(珍珠加鮮奶) 甜度可接受，不會太甜夏天飲好舒服💛下次經過附近會再幫襯！

無得去旅行唯有去食台灣野頂住癮先啦🤤雞排便當便當除左雞扒同飯之外仲有配菜。醬燒茄子、蒜蓉生菜、清炒豆芽同滷蛋，係家常菜味道。雞扒成個碟咁大塊但就比較薄身，顯得炸漿過厚同油膩。同埋飯比汁浸住個人就唔係太鍾意啦起司肉鬆蛋餅拉絲芝士份量十足，但記住要趁熱食呀～唔係芝士變硬左就唔好味啦！肉鬆味道好淡呀，就算落左好多都無咩味。食到膩仲可以點個蒜味甜醬油清新下炸甜不辣係炸皮薄超煙韌帶魚味既甜不辣，味道愈嚼愈甜。亦都灑上椒鹽粉提鮮。美中不足係少緊個醬同望落油淋淋！青蛙撞奶(微糖、熱)成日係台灣見到青蛙撞奶，今次叫黎試下原來係冬瓜茶+鮮奶+珍珠。微甜岩岩好，珍珠Q滑，冬瓜茶同奶香唔會搶味。未試過既推薦大家試試！

大角咀美食眾多 搵到呢間台灣店專食唔同菜式 晚市都唔洗排隊 即刻有位👍🏻 入門就見到大海報 主張店鋪食既 係‘家的味道’店鋪主張簡單而幸福味道 菜色的確簡單 不過就唔多幸福🙊😂 菜色選擇都多既 全部都係經典台式風味 不過個雞扒便當真係出事 要改善下🙈店舖環境同衛生都一流 歌單都令人意想不到 竟然好多經典既蘇打綠 氣氛搭救🤤整體黎講 都係推薦大家叫蛋餅同埋甜不辣 蛋餅質素同台灣就比唔到架啦 但係香港黎講 水平都中上既 甜不辣都尋於中上 大家不妨一試👍🏻

台灣－可能係疫情底下香港人最想去嘅地方，今次去咗大角咀 嘅 #老厝邊 （大家估下個「厝」字點讀？答案喺本文最底！），老厝邊其實係台語，意思係老鄰居咁解。一入餐廳已經即刻有好強烈嘅台灣風味，原來店主係港台混血兒，難怪佢哋都好堅持用國語招待客人。整間餐廳裝修亦以台灣特色為藍本，加上勁多耳熟能詳嘅台灣金曲，真係有一刻以為返去咗台灣🇹🇼💚 超濃芋泥蛋餅（$38）絕對係有驚喜！本身糾結咗好耐要唔要嗌返培根蛋餅，因為唔係太想像到甜嘅蛋餅係咩味。但原來厚厚嘅芋泥亦都夾雜住好多起司同埋肉鬆，鹹甜無互相搶風頭，特別得嚟都食得出蛋餅嘅原味💚 秘製麻辣牛三寶麵（$78）唔食得辣千祈記得嗌少辣或者普通紅燒！佢嘅秘製麻辣真係特出嘅，而且牛肉、牛肚、牛筋全部煮得好腍好入味，值得一試💚 大腸麵線（$38－大）麵線份量好多，大腸都好肥美，如果可以加辣就會更加好，可能蒜味多啲但鹹味相對淡返啲會更好💚 塔香鹹酥雞（$38）食台灣嘢點會漏咗炸雞！鹹酥雞炸得幾酥脆，雞肉亦都算juicy，份量適中，唔會太多太油膩但都唔會太少💚 青蛙撞奶（$24）其實就係黑糖珍珠鮮奶，黑糖味幾香，感覺同出面賣$40蚊杯嘅味道分別唔大💡開估時間厝