Dazzling Cafe (The ONE)

营业中

休息中

🚩熱潮不再 水準仍在？🚩📍 Dazzling Cafe著名台灣餐廳Dazzling Cafe當年空降香港，哄動一時，吸引不少港人前來打卡。多年過去，皇室堡分店早已結業，剩下尖沙咀The One店獨力支持，究竟水準是否仍能保持？🍴青醬奶油雞腿義大利麵 ($98)🍴明太子義大利麵 ($108)先要一讚，以這個價錢來說，義大利麵的質素可以説是物超所值。麵身不會過軟或過硬，有咬口之餘又跟各自的醬汁配合，兩款都值得一試。特別要提青醬那款，配上雞腿出奇地夾，整個配搭有驚喜亦不會太膩。🍴水牛城辣雞翅 ($78)餐牌上寫的這個本身應伴上藍紋起司醬，但那天侍應説沒有。失去這個水牛城雞翼的標配，怎樣都像差了一點。辣醬多而濃是這款雞翼的特色，但如果你不愛多醬就可能不適合你。整體辣度算正常，相信大部分人都能接受。雞翼是單骨的，但算大肉夠厚，如果有藍芝士醬就可説是完美。🍴皇家抹茶拿鐵咖啡 ($48)由於每位顧客都要至少點一杯飲料，我選了這個抹茶拿鐵。相比起食物，這個飲品相對失色一點。抹茶跟咖啡的比例不太理想，導致整體上偏苦。抹茶和奶本身亦不夠香，個人來說不甚喜歡。

Dazzling Cafe當年係香港開店，招牌厚吐司同鬆餅吸引左幾多少女慕名前往😍近日去到尖沙咀店，粉色嘅裝潢依然吸引，週末午飯時間不用等位，被安排坐近窗卡位，座位舒適，有少許和煦陽光照射🔆明太子義大利麵$𝟡𝟠 香濃的忌廉混入明太子，每一條麵都沾上濃郁的醬汁，喜歡creamy的朋友必選🔆義式牛肝菌香菇義大利麵$𝟡𝟠 身為菇控見到呢個就馬上點了，菇味好濃厚，更加滲透到入意粉之中，就咁咬條麵都可以感受到菇嘅存在。不過習慣左菇菌就伴黑松露，呢個無就覺得唔係好香😹🔆青醬奶油雞腿義大利麵$𝟡𝟠 呢個青醬食落好似泰菜綠色果隻酸辣汁，略嫌質地較水，令醬汁味道唔夠rich😣雞腿肉質地唔錯，唔算超滑嫩但起碼唔乾🔆莓好時光蜜糖吐司$𝟙𝟘𝟠 切開麵包的其中一面，就會食到內藏的一條條蜜糖吐司🥰好似bbq燒蜜糖包咁好食，仲更加香脆添❤️配埋Haagen-Dazs士多啤梨雪糕，甜入心呀😍🔆百香果鮮柚茶$𝟜𝟝 好經典果茶嘅味道，夏天飲好舒服好fresh吐司鬆餅熱潮過去先發現其實佢意粉表現都唔錯，價錢都合理🥸如果你係附近住/番工，見外賣意粉都幾抵食～但想講佢最低消費係每人一杯野飲，無論你叫幾多野食都好😅怪怪的

cafe於銅鑼灣有分店，裝修少女風，仲有打卡牆，早係多年前因蜜糖吐司盒出名，一窩蜂排隊去食。依加食完晚餐都有唔少人出面排隊，用餐時間90分鐘，質素keep得到，仲出左啲新款食物。✨味道74分，環境78分，服務70分。🔸香草焙茶歐蕾($55)⭐️新推出，主要成份係牛奶，冇任咖啡，襯焙茶好香，有啲似焙茶奶茶。.🔸極品可可沙冰($55)新推出，可揀 牛奶巧克力口味/特濃巧克力口味。揀咗特濃，就算沙冰溶咗少少都唔會好淡，上面好多cream，仲有Oreo，朱古力脆卷。.🔸青醬奶油雞腿義大利麵($98)有啲酸，少少似冬蔭公香料味，雞腿肉質好嫩滑，雞皮脆，幾juicy。.🔸綿綿珍珠奶茶鬆餅($90)升級麻糬(+$15)⭐️鬆餅整得夠熱夠脆，配埋上面cream，珍珠，棉花糖粒。升級麻糬內餡煙韌，令口感再昇華！雪糕係伯爵茶味，好香，味道出色！

今次去呢間係一間裝修充滿少女氣息嘅台灣cafe 由台灣開到黎香港 主要食台式食物我已經去食過好多次🤣 食物質素每次都唔會令我失望🥰小食、意粉、甜品、飲品都正！今次介紹住呢幾款先啦~-▪️👑明太子義大利麵 𝙼𝚎𝚗𝚝𝚊𝚒𝚔𝚘 𝚂𝚙𝚊𝚐𝚑𝚎𝚝𝚝𝚒 𝚠𝚒𝚝𝚑 𝙲𝚛𝚎𝚊𝚖 𝚂𝚊𝚞𝚌𝚎 (必點)粉紅色嘅明太子意粉❣️ 上面有d紫菜 同埋有好多醬汁同明太子 個sauce好濃好creamy～ 全部意粉都可以掛到d醬汁 而且仲會食到一粒粒明太子～🥳我超鍾意食明太子🤣 呢款意粉啱曬我🙌🏻 ▪️青醬奶油雞腿義大利麵 𝙲𝚑𝚒𝚌𝚔𝚎𝚗 𝚂𝚙𝚊𝚐𝚑𝚎𝚝𝚝𝚒 𝚠𝚒𝚝𝚑 𝙿𝚎𝚜𝚝𝚘 𝚂𝚊𝚞𝚌𝚎我自己都幾鍾意青醬配意粉👍🏻 好香羅勒味而且有幾嚿超級嫩滑嘅雞腿肉！😋 又係夠曬sauce 滿足～🥰▪️水牛城辣雞翅佐藍紋芝士醬 𝙱𝚞𝚏𝚏𝚊𝚕𝚘 𝚆𝚒𝚗𝚐𝚜 𝚠𝚒𝚝𝚑 𝙱𝚕𝚞𝚎 𝙲𝚑𝚎𝚎𝚜𝚎 𝙳𝚒𝚙個水牛城汁好濃有少少微辣 鹹鹹酸酸 好惹味😋 我本身食得比較重口味 如果再點埋個好香嘅Blue Cheese Sauce食 更正！-總括而言：cp值都ok 因為d食物真係好味嘅👍🏻 但係就規定每人一定要飲一杯飲品 飲品都ok嘅～我唔記得咗影🙊

難得Girls’ talk，所以搵咗間環境好嘅餐廳食晚餐。Cafe 外表同入面都好lady feel，全部都係粉紅色，友人仲笑言男侍應都特登攞住把粉紅色嘅風扇仔應景。平日7點去食，都唔使等位。食物方面，主食有意大利粉同三文治，估唔到仲有啲台灣嘢食例如滷肉飯。感覺同間餐廳格格不入，後來先知呢間係台灣過江龍。 叫咗Open rice最推介嘅佛羅倫斯花枝干貝麵。貼心位係帶子有得揀全熟與否。個麵好惹味，主要會食到黑椒味，有少少撈麵feel。試咗朋友個明太子義大利麵，友人話好似食緊壽司。明太子分量都幾多，食落好creamy，但個人覺得如果成碗食會有少少膩。總體而言，麵嘅質素唔錯，價錢少貴。飲品方面，身為抹茶同咖啡控，見到抹茶咖啡拿鐵就決定叫你啦！三層漸變色好靚。飲落咖啡唔出，有少失望，被抹茶味蓋咗。面頭上嘅奶泡亦冇咩味，不過加咗順滑感。整體杯嘢飲都好飲，但睇堆價錢，$48就唔抵。溫馨小提示：1: 入座時間90分鐘，真係會趕人走。2.最低消費為一杯嘢飲。