Cafe首爾

营业中

休息中

「WFH 唔食爆佢就 WTF」系列之望住「阿渣c」食韓食居家工作咁耐加上早前疫情嚴重, 都好耐冇出去尋尋覓覓搵好野食。無得去旅行, 就去下久違的韓國餐廳搵「阿渣C」啦。呢間餐廳係大埔開左好多年, 我都好幾年冇黎過, 2022 年就黎同你食+寫出新一篇~ 泡菜 + 芽菜是免費既餐前開胃菜, 一食就知冇落味精, 泡菜酸辣 (但唔會太辣), 加上充滿麻油味既芽菜, 淡淡既開胃菜, 唔需要味精黎帶動味之衝擊, 食得好舒服傳統紫菜飯卷一來到就暖暖地, 好明顯係即叫即做, 面頭散上炒芝麻, 樸實無華令人飽肚既住家飯卷, 贊! 芝士炒韓式年糕, 真係值得推介, 因為係小食所以份量唔算大, 芝士好香濃, 溶落去啲辣炒年糕, 再拌黎一齊食, 哇~ 好食到爆, 辣醬唔會太辣, 同年糕好夾, 但記住要趁熱食, 一凍左少少年糕就會開始硬炸醬麵我想食好耐, 但總係食唔到, 今次終於可以試到啦! 撈暈之後開餐, 個醬唔會太咸, 呢樣野都係我好欣賞呢間餐廳既原因, 佢既食物全部唔會偏咸同冇味精之餘, 仍然食到食物既原味同菜式想表達既味道。講返個麵, 碎肉、薯仔配炸醬, 加上煙韌既韓式麵條, 味道同濃郁口感都配搭得剛

星期六行完山無啦啦想食韓國嘢，於是就去openrice睇下大埔有無韓國餐廳。朋友見倒cafe首爾就話試過而且唔錯，所以就揀左佢。朋友有講過餐廳唔算好多位，坐倒廿個人左右，所以我哋七點半到都預左等一陣位。餐廳係賣傳統韓國菜，價錢尚算公道，而且十係幾多人，keep 住有人等位。我哋三個女仔，食量麻麻，叫左兩碟餸加兩個主食。首先係傳統紫菜卷，中規中舉。用料平實，味道唔差嘅。韓式豬手是全晚的亮點。豬手十分入味，配上醬汁更映襯豬手的咸味同時又令味道變豐富。肉質夠滑，唯略嫌鬆散，散以一塊夾起。但醬汁真的很讚，我們未吃至最尾已經用完呢！韓式炸醬麵也是中規中舉，甜甜的，不過份量很多。一個石頭鍋飯55蚊，但牛肉要另加7蚊，我覺得有少少過份。味道方便也很一般，因為飯很糊，很濕，完全不是石頭鍋的感覺。總括而言，這家餐廳的確主打街坊生意。菜式平實，但偶有珍品。

見佢晚晚爆場，好奇心發作，晏晝收工經過試試啦，但有點浪得虛名！舖面好細，坐得唔舒服。大豆芽爽甜，幾吓比我食晒。泡菜還可以啦，微辣微酸，但似乎咸左少少，撈飯較為合適。韓式煎餃子，其實真係無咩味道，唔知食緊咩，唔難食，一試無妨。烤牛肉湯麵，其實係肥牛辛辣麵！甘筍同椰菜我都唔食既，湯底淡如水，麵質還可以接受，烚肥牛味道質感正常合格，唔覺有烤過囉。賣相求其而凌亂不堪入目，您估依家係自己屋企煮麵比自己食咩！掉啲肥牛配菜炒埋一碟就咁上枱，好野！茶餐廳食個餐蛋麵都靚過您呀！韓式炸醬麵，係電視見過，食就第一次，感覺似麵豉醬撈烏冬麵囉。味道好寡、低沉、單調，我寧願食潮式炸醬麵。白白既麵條，口感同外觀似足烏冬，口感一流，滑溜嚥韌彈牙，超正！係味道差啲。試吓韓式梨汁先，唓！只係罐裝果汁，無咩特別。有機會再試多次，我想試石頭飯同蔘雞湯呢。