韓味屋

营业中

休息中

疫情嚴重，叫外賣最着數，韓味屋價錢合理，味道又好，食咗幾次，覺得要寫個好評俾佢。雖然叫外賣，運到黎仲熱辣辣，值得嘉許。講返味道，石鍋飯一定要試，雖然外賣，但老闆有將飯焦 but 埋落個外賣兜度，我哋個個都食得好開心，外賣有飯焦，真係非常之細心。之前食過辣炒年糕，今次試吓宮廷炒年糕，味道一般，強烈建議大家食返傳統辣年糕，好好味。炒粉絲是必食首選，加埋D海鮮，啲蝦大大隻，賣相已經好吸引，外賣送到理仲熱辣辣，唔會黐埋一劈，值得再贊。盒炸雞好大好多，減價後都係百幾蚊，大家記住要試。叫餐每一樣野都會送韓式前菜三樣，見到老闆好有心思，樣樣都好好食，大家可以全部嘢都試吓。

並非首次造訪, 食髓知味, 尊誠帶同太座再臨讓味蕾開Party! 兩個人簡單叫三個菜, 南瓜炆牛肋骨, 煎海鮮餅, 韓式炸雞.叫好菜後, 貼心的侍應禮貌端上前菜(可添一次)和熱湯, 前菜有一碟三款, 味道香口鮮美, 甜酸與辣程度剛好, 沉實而refersh. 湯有點來自黑椒的辣, 開胃!南瓜炆牛肋骨端上時, 南瓜陶空, 內盛牛肋骨至滿瀉,隨之侍應用長剪刀一瓣瓣剪開, 內盛之汁液流出, 牛肋瀉下, 南瓜有如花開之勢, 非常震撼!煎海鮮餅, 真係唔食都要試吓! 彈牙鮮蝦, 鮮嫩魷魚, 可以話係全香港最好食嘅韓式煎海鮮餅!最後上係韓式炸雞, 由於眼闊肚窄, 各人淺嘗一件後打包回家宵夜食.驚喜嘅係, 夜深打開外賣盒時, 香味四溢! 當然沒有當時即食的脆口, 但味道仍十分可口, 絕對係必食之上品!

之前見到中午時段有長長的人龍在此店外所以無試, 今晚早放工所以決定去一試!想同韓星一樣嘗試吃韓式炸雞+ 啤酒, 走入小店, 被安排位後面卡位, 但是一有客人進/出入, 就要讓路是此店最不方便之處. 令環境分扣了不少.當你坐好, 就上前菜三小碟, 有多種選擇, 無限添加至於食物方面, 如標題點了韓式炸雞+ 啤酒韓式炸雞要等大約10 - 15 分鐘, 出來份量十足, 如果想試其他菜, 此份量可以足夠二至三人同時share!炸雞外脆內軟, 好味道