Running 燒 (已結業)

呢幾日咁凍成日打邊爐食到有啲厭 今晚約friend食飯就打算食韓燒😝😝😝 上網見到呢間韓燒啲海鮮都好似幾靚 又唔想食咁多肉 所以就決定試一試呢間😍因為預先book咗枱 所以一黎到就有位✌️ 事不宜遲 馬上開始燒lu☺️ 叫咗幾款牛羊豬 上到黎我都唔係好分得清😂😂 但係個牛柳粒同牛柳片就好好食💁💁鍾意食羊肉嘅都可以試吓 都帶點羊騷味㗎🤓 重點就梗係海鮮啦 叫咗生蠔帶子元貝大蝦！！個大🦐比我預期中大隻好多 食落都好爽 肉質都幾彈！我地仲encore左多一round😝😝 帶子同元貝都好鮮甜 不過燒生蠔燒熟咗之後就細隻咗啲 如果可以生食就正😋😂😂另外要讚嘅係個韓式炸雞同埋水冷麵😋😋😋個炸雞好juicy！唔會話放題就Hea做呢d小食🤔🤔 個水冷面嘅質地煙煙un un超好食😍😍我食到咁飽 都爭啲可以食晒成碗咁滯🙉🙉🙉 最後佢仲可以每人揀一款甜品 仲係韓式雪條啊！不過可惜我鍾意食嘅蜜瓜味冇晒 所以就要左芒果 而個friend就試椰子 兩種都好幾好食 真係飽死囉🙉🙉😂

韓烤店愈黎愈多，不管喺連鎖定係小店，人氣未曾減退過，食過唔少單點嘅烤肉店，畢竟人少食，價錢都唔太划算，份量較多，我地都試唔到咁多款式，所以好多時都選擇放題或者有套餐嘅烤肉店。喺附近番工，都經常喺呢棟大廈食午飯，週四晚等埋男朋友收工食晚飯，試左呢間韓燒。餐廳位於9樓，位置比想像中少，幸好都夠闊落，枱與枱間有足夠空間。裝潢接近韓國燒肉店，坐嘅係圓櫈，裡面可以放置個人物品。平日晚上都近乎滿座，而且大部分人都有預先訂位。我地7點後入座，收費係$228/位，任食110分鐘。如果6pm前入座係 $178；9:30pm後收費 $198，仲話全單7折，其實幾抵食。店內都係例牌播住Kpop，最正都係聽到《鬼怪》OST！店員好快就送上泡菜、芽菜等，仲有一件蘿蔔（清潔鐵板用）。呢度嘅泡菜唔辣架，帶甜，幾好食。客人畫紙仔落單，放題時段完結前30分鐘就會截單，自己預時間。餐牌選擇唔算好多，有牛類、豬類、雞肉、羊類、腸仔共17款；9款海鮮，另有蔬菜、麵、飯、湯、小食等，一律任食。飲品方面以汽水、道地飲品、韓國果汁為主，由客人自取。韓式辛辣麵我地係平時出街食麵都會加錢轉辛辣麵嗰種，見呢度居然有，所以我地都點左一客辛

發現咗一間可以喪燒海鮮嘅韓燒店，未見過一間韓燒店有咁多海鮮燒，仲要任食，叫幾多就俾足幾多，一啲都唔孤寒。今日主要狂攻四款海款，大蝦、帶子、扇貝、生蠔!!攻呀攻~~大蝦，大隻又彈牙，仲要冇黑頭，睇到啲蝦膏就知正帶子本身已加左少少調味，光滑、柔軟、有彈性，爽口又鮮甜，呢個係必食之選。加上燒得快，擺上去燒一燒，兩面都好快封煎好，外皮脆口。扇貝，都唔細，連殼燒都要燒幾耐下，係好食，但好考耐性。生蠔，好鮮甜，燒完都仲有好多蠔汁，要一淡飲埋佢先正，但都係要燒好耐。如果唔連殼燒，好快就熟，蠔汁盡失，所以要食好野都係花啲時間。喪燒~豬大腸係我嘅必食推介，如果係食豬大腸嘅朋友一定要試，厚度適中，好快就熟，最重要係燒完兩邊都好脆皮，好正好正阿珠媽靚湯，日日唔同。以為係頹湯，但今日係牛骨湯，好香濃牛骨味，飲左三碗。雜菜沙律，成塊面咁大碗，出乎意料。不過我自己一個人食晒，一邊食肉一邊食沙律，燒完成餐都唔覺飽飽滯滯。韓式炸雞，雞肉幾嫩滑，多肉汁。烤肥牛，刨得好薄，燒幾秒就食得爽~最後有甜品，食韓燒最好當然配返韓國甜品，唔係好想食本地頹頹雪糕囉食完野，講返個環境。一般韓燒店嘅裝修，枱數唔多，得十幾枱，要食就要預早