韓食研究所

营业中

休息中

放假去沙田行街，去到沙田已經下午茶時段，出咗閘就見到呢間韓式外賣店，一於就食佢嚟增加返啲體力再去掃貨🤭韓式牛肉紫菜包飯 $46一開盒就見到靚一靚嘅賣相，一共有10件，再嚟就係麻油香，除咗牛肉之外，仲有蘿蔔絲，蛋絲同青瓜絲，面層仲鋪滿芝麻，食落係滿滿嘅材料，口感豐富，仲有非常適中嘅麻油味，好有韓國嘅味道🫰🏻海鮮蔥煎餅 $56煎餅煎到有濃邊，香脆可口，海鮮主要係魷魚，仲有啲蔥，配埋個醬汁酸酸地，非常開胃，食落非常惹味又唔油膩，好難得🥰三鮮煎餃 $32身為餃控，點可以唔試埋啲餃，今次叫咗三鮮餃，材料有豬肉，蝦同魷魚，餃子皮屬厚身少少嗰款，整體成個餃子都唔錯，餡料夠足，配埋個酸甜汁，食落都無哂油膩感👍🏻魚糕串配昆布湯(一串) $12昆布湯清甜，一啖大大塊魚糕一啖昆布湯，好有韓國街頭Fᴇᴇʟ啊😆蜜桃椰果粒粒 $8真正韓國飲品，好少見到出面有得賣，味道偏甜，入面都好多果肉，正🤪鋪頭主打外賣，但出品相當高質，食得出係用心製作嘅食品，鋪頭位置又方便，路過買返屋企食，都咪話唔開心🤭

呢間韓食研究所位置雖然係沙田港鐵站外，但其實好少行去果個位，今日去拎錢先發現到呢間食店由於唔太肚餓，本身都引唔起我食慾，但被幾個前來買的OL吸引我埋去，因為佢地係咁講樣樣都好食，食咩好呢😂😂咁我就睇下餐牌，韓式牛肉紫菜包飯（$46）～係我心水喇🤩，因為見到店員正在包緊，保證新鮮原來包飯卷係用機切的，我重以為係人手切😂😂，我見到切前店員會係飯卷上掃一掃類似油的物體🧐，切好後再係面灑芝麻。食後感真的覺得$46係抵比的，一條飯卷有10件，中間夾左蛋條、青瓜條、蘿蔔條同埋主角韓牛，而青瓜條、蘿蔔條好似有少少酸酸地，食落好開胃。等我下次想試下佢個蟹膏醬拌飯，睇下係唔係都咁出色先得*留意返只收八達通和現金的*