韓燒大叔

营业中

休息中

回頭指數：⭐️⭐️⭐️食物質素：🌮🌮🌮服務質素：☺️☺️☺️消費指數：💰💰（TTL $303.6，人均消費＄151.8）環境質素：☘️☘️☘️一諗起韓國菜，就會諗到燒肉🤤呢間餐廳除左有燒肉之外，更加有唔少抵食既午市套餐可以選擇，甚至外賣味道都可以keep到。**午市套餐都有包3個小前菜+飲品+ 湯，全部都可以自己揀**。 韓式肥牛部隊鍋 ($168)融合左韓式辛辣既調味同埋肥牛既香，整體香氣四溢。肥牛質地柔軟，而且湯汁滲入晒肉裏面，幾滋味。部隊鍋裏面既配菜，都浸滿濃郁既湯汁，口感層次更豐富。。 辣醬石頭鍋飯 ($108) 可以選擇雞/牛/豬/素/鰻魚，我選擇左最簡單既配搭 - 牛肉辣醬分量可以由自己決定，所以唔食得辣既人可以落少啲😉蔬菜份量較多，但裏面既牛肉碎都唔錯，而且最重要係石鍋拌飯既熱力足以有飯焦😍同類餐廳#cocofood_韓國菜同區餐廳 #cocofood_旺角如果你鍾意我既分享，按右上角🔔，就可以睇到我所有既 update

呢日路經旺角，天氣好熱，又想食韓國嘢，經過西洋菜街既友見到尼間韓燒大叔，就直接上去。一上到去5樓，前台哥哥接待帶位，入座既位寬敞，冷氣通風都足夠（因為食燒肉真係唔可以冇冷氣㗎），我響度食嘢都幾舒服。睇菜單發現可以一個套餐，有湯有飯有前菜飲品，就果斷咁樣點咗2個set，再加啲小食。韓式肥牛部隊鍋：部隊鍋材料好豐富，有韓牛、韓國午餐、雞髀菇、金菇、冬菇、大蔥。另外會再有雞蛋同埋芝士俾你放落去。但最驚喜係嗰個湯底，提升食材嘅鮮味，令到即食麵都唔會好膩，忍唔住邊飲湯邊食。人蔘雞湯配白飯:人蔘雞有濃郁嘅蔘味，雞肉嫩滑，底下嗰啲糯米煮到好腍。醬油蟹:勁多蟹膏，超鮮甜，配白飯一流，超水準！蛋包蝦:外脆內軟，煎得好香，超彈牙，配合蛋黃，呢個配搭非常之正。炸雞:炸雞都有六款口味選擇，我就叫咗牛油蜜糖，味道偏向日式，值得一試！😋套餐送兩款湯有傳統嘅泡菜豬肉湯，同埋韓國白蘿蔔湯，照顧到我同台另一位想清淡嘅同伴。