漢城美食

营业中

休息中

想喺尖沙咀食韓國菜，當然要去金巴利道，幾乎行一兩步就有間韓國菜🤣-今次揀咗漢城美食，佢都屹立左喺尖沙咀好多年，不過成日都冇機會入去食😫入到去環境好乾淨，座位與座位之間都好闊落，坐得幾舒服☺️而且設計好摩登，粉紅配綠色幾靚💖餐牌款式都幾多，有炸雞、便當組合、湯品等等😜不過我哋唔係好肚餓，反而想飲番杯🤫坐低冇耐店員就飛快地送上小碟，有海帶、泡菜、韓式煎餅🥰之後落單嘅時候發現店員唔係香港人😳更加地道！額外期待食到韓國正宗料理😳🌟韓式豬手半份 $168半份都好大份，兩個人都夠食😚而且去曬骨啖啖肉，外皮QQ肉質唔乾柴，滷得好入味，另外再配埋生菜同兩個辣醬，分別係辣麵豉醬同埋辣蝦醬，兩個醬都係鹹嘅，不過我覺得就咁食已經好夠味😙至於包生菜感覺又清新健康啲🌟生米酒 $105本身諗住叫真露但係朋友想飲米酒多啲，我未飲過🤣米酒750ml本身都驚太大支，點知入口甜甜地帶少少氣泡，頭一下有丁點似飲啤酒但唔苦，餘韻會有好濃嘅米香走出嚟，出奇地幾啱我心水💖覺得同日本清酒爭好遠，幾適合女仔飲🌟餃子年糕湯 $98原來個湯會配個飯😲所以更加飽肚，以為會好清淡但飲落好！夠！味！唔會越飲越口渴，湯入面配料都好多，年糕、餃子、

最近搵到一間好在尖沙咀區內開店最長嘅舖頭 2001年開店 成20幾年㗎 好厲害 經過咁多年仍然屹立不倒相信絕對有佢嘅吸引力重點係佢係韓國人主理嘅可以品嚐到正宗又美味嘅韓國料理相比起同區嘅餐廳，佢嘅價錢係最經濟實惠菜式選擇好多坐低店員先會附上三款前菜有泡菜豆皮同埋蔬菜煎餅幾款前菜都好有特色味道唔錯人蔘年糕雞湯人蔘味道適中 相信已經調節過去迎合我地嘅口味雞肉已經切絲方便進食 雞肉好滑吸收晒人蔘雞湯嘅味道加埋好煙靭嘅年糕 熱辣辣令人忍唔住一口接一口韓式豬手 （半份）大大份豬手炆得好入味入口軟糯 有陣陣滷汁香味豬手附上生菜可以夾住一齊食，口感又唔同比較清新，去除肥膩感加埋特製嘅甜酸醬汁 好味道餐廳餐牌上有好多飲品選擇但由於我哋唔飲酒所以最尾都係叫咗兩罐可樂食飯時間已經人山人海 座無虛席

尖沙咀韓國街有好多間韓國餐廳阿zip今日帶大家去一間區內開業最長時間算得上係香港嘅老牌韓國菜 經濟又實惠 仲有學生優惠價嘅餐廳🇰🇷一黎到就會有3款小菜 泡菜 魚糕同煎餅✿ 韓式豬手 $310(全份) / $168(半份) ✿今次叫左半份黎試 份量都好夠 佢亦配埋生菜🙈豬皮好淋 食落去好煙韌(⁎⁍̴̛ᴗ⁍̴̛⁎)豬手加埋個甜麵醬同特製醬汁 好惹味(*¯︶¯*)✿ 年糕人蔘雞湯 $119 ✿天氣咁凍 飲返碗熱辣辣嘅湯就啱☺️入面有好多片年糕 同平時食人蔘雞湯唔同佢係用雞絲 唔洗自己拆骨😀呢個湯仲會配白飯 食完好有飽足感✿ 生米酒 $105 ✿食韓國嘢點可以唔飲酒😎今次揀左生米酒 易入口 好香米味🍶可以用黎解辣同埋食物嘅濃味呢度好適合同朋友或一家人黎聚會佢嘅款式種類繁多 可以叫多幾款share食🤩

Fatty通常食韓國野都係喺韓國街（金巴利街），大鄉里宜家先發現原來行過少少金巴利道都有好多好好食嘅韓國餐廳！經過左漢城美食 Han Sung ，發現門面好靚，裝修好韓國feel!同侍應傾偈先發現原來漢城美食 Han Sung 2001年開店，尖沙咀區內開店最長時間！😱真係唔講唔知首先一落低就當然有前菜啦，kimchi同芽菜就唔駛講啦！驚喜既係竟然有韓式煎餅，好味呀！1️⃣韓式豬手豬手的口感柔軟而彈牙咬下去肉質鮮嫩多汁外皮充滿滿滿嘅骨膠原十分彈牙，皮同埋肉之間唔會過肥，絕對係韓國食過嘅味道👅搭配特製的醬料：辣醬和韓式豆豉醬，增添了微辣和酸爽的風味，包喺生菜入邊，整體口感更加豐富多樣絕對能夠滿足肉食愛好者miss fatty嘅味蕾2️⃣ 韓式牛肋排湯湯上菜既時間重有熱煙！牛肋排十分入味牛肉肉質細嫩、入口即化，湯汁滋味濃郁，融合了牛肉的鮮甜味道，送飯一流！韓式牛肋排湯不僅滋補，而且美味可口，絕對係冬天之選。3️⃣ 提子米酒口感柔滑順口提子的天然甜味與米酒的香氣融合，帶來一種獨特的果香風味，唔會太甜，係同朋友食飯嘅首選❇️總結❇️✨環境整潔，座位寬敞✨韓國人主理，正宗韓國料理