韓閣 (新都城中心二期)

营业中

休息中

@korean_loft_cafe 嘅韓國菜CP值高 菜式種類又多😌今次就叫咗下面幾樣🤤 $52 韓國拌飯 - 雜菜 拌飯可以配牛柳條/腩片等等嘅 我地見今餐冇咩菜就揀咗配雜菜啦😆有翠玉瓜 菠菜 芽菜 蘿蔔等 面頭仲有粒流心太陽蛋🍳加埋甜甜地嘅辣醬 好食🤤 $52 豆腐海鮮湯 - 少辣呢碗湯有好多種海鮮 有齊青口 魷魚圈 蜆 蝦 仲有小編最中意嘅滑豆腐同半熟蛋🤤 雖然我地叫咗小辣 但對小編黎講都有啲太辣 然後侍應比咗碗湯我地mix🙈 超好😳👏🏻 $62 韓式醬油燴雞 (+$15 年糕片) 跟牛骨清湯醬油燴雞同蘿蔔都燜得夠淋同入味🍗 年糕煙韌 份量方面 不論係雞定粉絲都比想像中多😳 最後要打包😂 $62 韓閣雜錦蛋卷頂層卜卜脆嘅蟹籽好澎湃😍下面有好多泡菜芝士 而甜甜地嘅蛋卷入面仲有啲蔥同紅蘿蔔 🥕 成個組合好有層次🥰 小編同朋友都大推

平時都幾中意食韓國野,最近經過寶琳見到有間新開既韓國野,價錢又唔貴,有新野緊係要去試下啦🤗所以就好快就同朋友決定食哩間,好彩係平日黎食,同埋比較早唔洗等好耐!.食物方面:⚪️蜂蜜牛油炸雞(半份)食韓國野點少得食炸雞,緊係要叫黎試下啦,炸雞份量都幾多,熱辣辣炸得好脆唔會好油😚蜂蜜牛油都幾重,不過炸雞本身略嫌調味唔夠!⚪️芝士岩漿炒飯鐵板上超香而且好大碟🤩芝士拉絲效果超誇張.打卡一流,炒飯都好香好足料.有豬腩肉.泡菜炒飯配芝士🧀.正!⚪️韓閣雜錦蛋捲一份有五件.好香蛋味都好嫩滑🤘🏻加埋泡菜蟹籽口感好豐富,唔錯!⚪️韓式醬油燴雞味道岩岩好,雞都好滑唔好過熟,薯仔蘿蔔好甜好入味,再加埋炒絲好好味👅粉絲唔會太淋保持到彈牙口感!整體方面:店內吾算好大.但都吾會好迫.上菜好有效率.10分鐘內全部嘢食到齊👍🏻一坐低店員就同我地講今日冇供應豬髀仔.本來都好想試吓.不過我一定會再嚟既.下次試埋其他.牛骨湯.飯卷都想試吓😊食物質素好好.價錢又合理😬CP值高.經過一定要去試吓!