Goobne Chicken (天晉匯2)

营业中

休息中

不久前才先食完銅鑼灣店，好味道，今次集齊4人，係想試食邪惡芝士餅 （芝加哥薄餅）。。上次得兩個人，確實食唔晒，所以沒有試，。。邪惡芝士。。好好味。。一定要上枱就食拉絲效果。。韓式烤雞（😁強調不是炸雞），個人比較喜歡烤雞 （這店烤雞有很多味選擇）好味，芝士餅一流好好味，但非常飽肚，4個人食就先好叫，韓式雞蛋卷（價錢貴了些），但都推薦，店舖不算大，離將軍澳港鐵站行一段距離（5至8分鐘），在天晉匯商場，經行人天橋，由港鐵站來，勝在全天候落雨都唔怕，環境普通 ，室內裝修似快餐店，（比較下銅鑼灣店，漂亮很多），各樣食物都唔錯，係 （鐵板海鮮煎餅）韓式煎餅 差些（同祈望有落差，不用試），飲品價錢比較貴，唯一彈下，店內不提供飲用水，賣收費的樽裝水。

好耐冇食韓國菜，所以選擇了附近一間韓國餐廳，原本侍應安排我們坐近廚房的位置，說真的望着廚房沒有太好的胃口，嘗試要求調位，卻沒有位置可調🤷🏻‍♀️牛肉炒年糕的味道不錯，不過愈食愈口渴，味精太勁，而且與想像中的有分別，超級多湯，變湯年糕，但又沒有碗給我們吃⋯只好放在碟子中，一邊用匙羹飲湯。最出色的是芝士蛋卷，蛋卷香滑厚身，沒有想過份量這麼大，裏面包着一絲絲的芝士！因不想吃炸雞，又想無骨，所以選擇不多，只好叫蜜糖咖喱芝士烤雞，份量超多，要多人吃才沒有那麼膩。雞肉肉質嫩滑，芝士可以再流質一點，會更易纏在雞上。環境是頗寬敞的，設計時避免要客人對著廚房吃會更好。晚上時間都多人等侯，可選擇外賣呢～

BF鍾意食雞，所以今次約咗朋友聚會，朋友就帶咗我哋來呢邊食韓式炸雞。喜歡芝士嘅我對呢個UFO即刻bling bling眼，可惜朋友話驚太“漏”，所以冇試到。於是我哋點咗個雙拼嘅炸雞，兩種口味，甜辣烤雞，對於嗜辣如毒嘅我來講其實一啲都唔辣，偏甜多啲；可能因為有果味醬油，平衡咗啲蒜味，驚食完口臭嘅朋友仔可以儘管食。雞蛋卷好大嚿，要小心翼翼夾上碟搽醬，有芥末醬、茄醬同沙拉醬，蛋唔會太甜，以平價嘢夾心，實情冇乜特別。我最滿意嘅應該係呢碟炒年糕，皆因都幾辣下，而且仲有咁多芝士，由於啲芝士喺最底層，所以要趁熱食，如果唔係就會同啲熱辣辣鐵板一齊被攤凍晒，然後食唔到。其實好想飲酒，佢哋有雞尾酒、米酒同燒酒等，基於男士們唔飲得，我哋都要忍口。但唔知係咪因為天氣太熱，我哋覺得間舖好似冇乜冷氣，所以叫咗個藍橙沙冰，好快飲晒啲汁就要等啲冰溶先再有得飲，當時覺得自己好鬼淒涼。但啲侍應係要叫先幫你fill 水，很欠主動。最後我哋走嘅時候見到隔離檯食緊個UFO，用個細火爐熱住啲芝士，爐邊放住啲炸雞，見到都覺得正，下次都係要試下！

昨天係呀仔生日，佢係個超級韓咪，好喜歡吃韓式食物，又因為居住將軍澳，所來到這裹，我地三個人叫咗三樣食物同1L米酒。果味蒜香烤雞帶有小小蒜香味，烤雞又不會烤得好乾，甜辣也不錯，唔會好辣仲帶有点甜。香辣炒年糕，其實唔似炒年糕，有啲似用辣醬加水煮成的，但試完後，覺得好好味，佢裹面有好多材料， 例如有洋蔥、雞蛋、牙菜、韓式魚蛋同粉絲等等。我個人最喜歡佢裹面的韓式魚蛋同年糕，因為唔同出面食的，煮都個魚蛋同年糕林bet bet又無晒味，終结這間的炒年糕係好好味啦。韓式雞蛋卷，外層有厚厚的雞蛋，裹面有餐肉、紫菜、殗蘿蔔、芝士、青瓜、蟹柳.….。醬汁都有芝士、茄汁同黃芥辣三種。西柚韓式米酒，未飲的時候，仲怕佢會唔會似藥水味，一飲便愛上，小小甜帶点酸，還有清新西柚香味。

認識塔塔子嘅你地可能都知本人係一名「偽韓妹」～但係塔塔子竟然而家先第一次食呢間過江龍韓式烤雞Goobne...皆因出面旺區嘅分店長期都太多人 塔塔子誤打誤撞今日去到將軍澳站好近嘅天晉，去朋友屋企探bb，呢度竟然有Goobne新開冇耐呢!! 大大件雞蛋卷，入面有芝士，餐肉，黃瓜，籮白，紫菜，一層層嘅雞蛋加上豐富嘅配料，口感特別！塔塔子最鐘意入面清新嘅黃瓜，中和返芝士同餐肉嘅香濃，完美配搭食韓國野點少得炒年糕？仲有配上韓式即食麵，魚片，芝士等等...一上檯熱辣辣仲有拉絲嘅效果！呢款菜式有3隻辣椒，絕對唔野少～好似塔塔子咁食得辣先好叫呀主角出場啦！鐘意食特別野嘅塔塔子叫左「黑椒烤雞」外表真係黑媽媽好似烏雞咁配有蔥花同芝士粉～因爲Goobne嘅雞係烤雞而唔係炸，外層嘅雞皮一d都唔會油淋淋，反而好薄脆！一咬開香脆嘅黑椒外皮就咇左d熱辣辣嘅肉汁，雞肉好嫰滑好好味呀食完辣野嘆返啖香桃韓式米酒！粉嫰嘅顏色一望就已經心曠神怡飲落仲有好新鮮嘅香桃味，反而好少酒味～因爲佢得0.7%酒精，好易入口，解辣一流～～店鋪闊落，播住k pop真係仿佛置身首爾同oppa一齊食雞雞食完呢餐真係想即刻飛轉韓國呀！值得一提，