餃子屋

营业中

休息中

穿過一間又一間既商場，終於黎到依間荃灣出名既餃子店，附近食店人影唔多，唯獨依間人頭湧湧，果然有人氣。6點半去到要等十幾張枱，不過好彩人流的速度都快，等左十幾分鐘就到我地。我有啲低估餃子既份量，兩個人叫左24隻餃子，阿姐都驚我地會食唔曬。我地叫1、2、5、10。餃子黎到真係好大隻，我好肚餓食左16隻都飽到上心口。1同2係湯餃，依度既湯唔可以睇少、冇味精。飲到好濃既魚味同豬骨味，飲完都冇口渴，食餃子嘅同時可以嘆埋碗靚湯，不過會有少少魚膠既腥味。而韭菜豬肉餃同坊間既都有唔同，佢已經調過味，餡會見到有醬油既顏色，雖然唔需要再點醋，但我略嫌蓋過豬肉本身既鮮味，充滿肉汁，令人回味無窮。煎餃就叫左芝士豬肉煎餃同粟米香菇豬肉煎餃，兩款都好香口。我本身唔太鐘意新派既餃子，但餃子屋既芝士餃子唔會有一種違和感，傳統既食物帶D『餃』鬼既感覺。而另外一款豬肉配上爽口粟米香菇，口感豐富。鐘意餃子既朋友絕對要試一試喔!

今天早上還未吃早餐便出門到荃灣，於是在openrice搜尋一下，發現這間餃子店的評分很高，食物相片又吸引，便決定一試究竟。十一時半到達不用排隊，後來才聽說這間餐廳經常大排長龍！餃子可選六隻或八隻，八隻的價錢會較化算，另外可加錢配上海麵或米線。由於實在太餓，我跟朋友點了八隻韭菜豬肉湯餃，八隻京蔥羊肉煎餃，加了一個上海麵和豆漿。先講湯頭，湯是魚膠淮山豬骨湯，味道不錯。這裡的餃子真材實料，韭菜豬肉餃脹卜卜超大隻，很有口感。京蔥羊肉餃同樣大大隻，外皮煎得十分香口，賣相吸引，但羊肉有點膻，我不太能吃膻味，有點可惜。另有辣菜脯做配料，跟湯餃一起吃味道不錯。我們實在沒預想到這間店餃子如此巨型，結果眼闊肚窄，下次每人只點六隻餃子已十分足夠！

餃子屋係荃灣黎講應該都算係一間幾出名既食肆即使係裝修前定裝修後每一日 每一刻都見到佢門口有好多人排隊究竟係乜嘢動力驅使啲人排咁耐隊呀？係大大粒既餃子呀！🤰🏻 -8隻韭菜豬肉湯餃$38（魚膠淮生煲豬骨湯底）餃子好大粒 個大匙羹都就黎裝唔落佢啦😍皮薄多餡 好足料 抵食！個湯底仲正 好鮮甜好清 係真材實料 抵食！好彩既話會有一兩塊小魚膠仔係碗湯到🤣-三式煎餃（芝士、紫菜、香辣餃 各3隻） $46呢三種口味既煎餃其實食落分別唔算好大芝士煎餃既芝士味唔重紫菜煎餃食到好香紫菜味 香辣餃唔算好辣 適合啲唔食得好辣既人雖然啲味差唔多 但煎得好脆好好味！已經加哂分而且同湯餃一樣都係大大粒架😍 -上海麵 +$8如果本身嗌湯餃既 佢就會同湯餃放同一碗嗌煎餃既就會另上我覺得上海麵味道無咩特別如果想食煎餃但又想飲湯既話都可以嗌但小心會太飽因為啲麵既份量麵好多下🍜-其實我已經食過餃子屋好多次 幾乎每一隻味都食過我會覺得始終韭菜煎餃係最好食既😍🥟另外 雖然佢裝修完之後舖位大左 環境比以前乾淨左 但都會有少少迫 同埋都仲有好多人排隊 晚餐時間大概都要等起碼半粒鐘先入得座🙀

好多人排隊，連攞位都好唔容易先入到去等咗半個鐘有多先入到去，真係要試下有咩吸引力可以令咁多人排隊等位時順便望下有咩食，好多款餃子揀，有啲款出面少見，最後揀咗韭菜豬肉湯餃、韭菜豬肉煎餃，芹菜豬肉湯餃、京蔥羊肉煎餃。煎餃附送魚膠淮山煲豬骨湯，好鮮甜呢個湯真係不得了！好濃豬骨味，睇佢煲到奶白色就知落重料！真係一啲味精都冇！淨係呢碗湯都值門票價啦！京蔥羊肉餃，外皮脆卜卜，一咬爆汁爽口，內有洋蔥、京蔥、羊肉。食到蔬菜嘅甜味韭菜豬肉煎餃，外皮香脆，外脆內軟，一咬爆汁！ 韭菜豬肉湯餃啲湯汁一咬即爆，加埋湯，好夾，肉味濃，比煎餃好食芹菜豬肉湯餃，四款入面最好食芹菜比韭菜爽口，清甜，加埋豬肉鮮味，配搭一絕！附送嘅菜脯都唔簡單，夠香辣，菜脯夠爽脆！可見小店用心經營，以民為本個人較推薦湯餃，連湯一齊食，好夾