La Kaffa (已結業)

我印象中通常係屋園入邊嗰啲食店，味道都係一般，但估唔到依間有驚喜首先叫咗個黑松露意粉，未食我已經聞到濃郁嘅黑松露味一入口，食到每一條意粉都沾滿左黑松露同埋香菇嘅香味加上新鮮嘅大蝦，比起好多外邊高級貴價嘅西餐廳入邊嘅意粉有過之而無不及，必試呢個水牛城雞翼不得了外皮炸得非常脆但一啲油膩嘅感覺都冇，隔油功夫做得好好一咬落去仲有少少肉汁流出嚟呢個牛角包做得非常鬆脆配合煙三文魚同埋碎蛋，非常美味！ 味道美味，價錢適中，必定再試

今日同有人去第一城，經過見到有間食漢堡的格調唔錯，就同朋友試吓啦。嗰度有好多唔同種類嘅飲品例如咖啡就奶茶、紅茶，兩個人傾吓計靜靜地嘅幾好。嘢食來講，我見到有個特級漢堡餐，有個安格斯牛肉同埋蘑菇都係我嘅首選，咁我同朋友一人就叫咗一個餐食個餐就包咗個野熱飲同埋餐湯都係60幾蚊一個晚餐算經濟。原來呢度仲有個全日供應嘅早餐，不過夜晚我好少食朝頭早嘅嘢所以我都係食返個漢堡穩陣啲。個漢堡一想到枱，就有個沙律薯皇作配菜，個漢堡我叫咗七成熟。個沙律食落去都幾清新有少少醋味應該係加左啲醋汁。個漢堡一到咗第一時間睇下佢個安格斯牛係點嘅樣，裏面有塊芝士，厚厚的牛，番茄生菜，賣相望落去同麥當勞嘅漢堡包冇乜分別，係個牛肉比較厚。識落覺得嗰個牛嗰個汁都唔錯，啲牛肉都尚算可以，安格斯牛嘅牛汁都鎖在喺個牛入邊，都算juice 。開頭我見到兩個餐裏面嘅分別就只係多咗個蘑菇，一心諗住個蘑菇會係個包入邊，原來蘑菇只係配菜可以俾你選擇點樣食飯，個套餐一上到枱，我同我朋友都對忙笑，我想法可能同我朋友一樣，最後我都會有將啲蘑菇放左落個包糧未食，食落都幾好爽爽甜甜的。食咗成個套餐再飲番杯低糖紅茶都算幾消化下。

約o左女友人VL前日(25-2-2016 Thur)食lunch俾o野我,佢問我第一城食邊間?我答有間有All day breakfast, o係地下o既.佢答OK,佢先攞位.我o黎到亦先買o野,我揀o左$62.00o既頂級安格斯牛肉漢堡,要7成熟,飲熱奶茶.VL就要All day breakfast,飲熱咖啡.等o左一陣,兩杯o野飲先後到o黎,我打開我o既熱奶茶飲,嘩!咩o黎o架?中招,茶味已經淡,重要唔係港式奶茶o個種茶葉,應該係伯爵茶,麻麻地好飲超難飲.之後我o地o既食物到o黎,漢堡size正常,我先食薯條,熱騰騰的,外脆內軟,由於太熱,都係攤凍先.食漢堡lu,上面o既醬汁唔香濃,安格斯牛肉味道淡淡,口感鬆軟,食到尾段就有啲燒汁,不過都係唔太濃o既.而配菜除o左有菜外,重有一湯匙o既酸瓜粒,呢個正常冇問題.VL o既我冇問佢覺得點.