友拉麵

营业中

休息中

其實我唔太好拉麵，但老公又話好想食拉面，唯有openrice下，揾下附近咩拉面好食見到友拉平麵都有唔少好評，就過黎試下跟住個地址揾到黎呢度。。。。但係見到個門面，即刻問老公係咪真係入去？啲好評會唔會係打手？好似有啲伏老公話都黎到，唔試過點知伏唔伏，入去試下囉外面睇好似有啲up dup, 由連接商場天橋處望住間鋪，令我覺得入去會有浸怪味。但入到發現自己諗多左，入到去都算幾骨緻，無我自己幻想出黎嘅怪味😆餃子🥟～無驚喜，但ok櫻花蝦拉面～偷食左老公個拉面，有啲櫻花蝦喺度食落幾香期間限定-黑蒜油札幌味噌拉面～本身覺得呢個湯都ok，但試完櫻花蝦個湯頭再食返呢個拉面，覺得呢個湯失色左。如果再揀多次，我會揀櫻花蝦雖然味道未至於好好食，但都唔錯我都要收返之前話係打手嘅說話

經過見到間拉麵小店，座位唔多，味道竟然有驚喜🤩拉麵分別叫左魚介同辣肉碎，魚介拉麵湯底濃郁，飲到豬骨鮮甜，又唔會太過油膩😋 配料夠晒豐富，有齊紫菜，筍，流心蛋（注意係留心蛋，唔係糖心蛋🤣），叉燒偏肥但重煙熏味，幾好食👍🏻麵就嗌左曲麵，口感正常比較普通。辣肉碎拉麵湯底比較特別啲，有微微辣味但唔會搶左個湯底本身的鮮味👍🏻中意食辣/中意濃味的可以一試😋另外叫左個餃子，比較失色少少，餃子皮比較厚同硬，但啲餡料味道都唔錯，新鮮炸起熱辣辣。