更多
2017-10-28
17607 浏览
近來卒之有啲秋意喇,一到秋天,唔多唔少都會諗起紅紅秋葉,秋葉又會諗起日本同韓國,雖然都有到訪過呢兩個國家,但就未試過晌秋季前往。今晚同老婆嚟「The Place」食自助餐,順道慶生,食物主題正正做緊「日韓秋祭」,顧名思義,就喺推出特色嘅日韓菜,未知能否做到出奇制勝。未進入餐廳,門口設咗個打卡位,原來有着數,拍張貼合主題有趣嘅相片,上載到IG,就有機會贏到雙人自助晚餐再食多餐,詳情可瀏覽官網,但個活動只去到30/11啫。小弟雖然都算食唔少自助餐,但The Place都喺第一次嚟,對個用餐環境感覺好唔錯,唔止環境闊落,樓底極高,所以,空間感極強,而一室以白色為主調,梳化椅又舒服好坐,整體感覺閒適。事後翻睇官網,先知餐廳設計出自名師。沙律輪到介紹食物區,食物嘅擺放都頗集中,唔會東一忽、西一忽。先介紹沙律區,因為,小弟慣於先由沙律落肚,開開胃,堅可以加強戰鬥持久力。除咗多款沙律菜、配料及5款醬汁外,仲有4款預製好嘅沙律,所以,選擇唔算少。沙律拼少少冷盤切腸喺小弟嘅慣性頭盤,沙律菜非常爽脆,醬汁選咗柚子醋搭意大利油醋,效果非常好,柚子味突出,口感更酸爽清新。預製沙律亦不俗,最鍾意喺嗰個紫薯沙律,
輪到介紹食物區,食物嘅擺放都頗集中,唔會東一忽、西一忽。先介紹沙律區,因為,小弟慣於先由沙律落肚,開開胃,堅可以加強戰鬥持久力。除咗多款沙律菜、配料及5款醬汁外,仲有4款預製好嘅沙律,所以,選擇唔算少。
晌沙律區附近仲有唔少日韓食,如日式冷盤、冷麵、韓式九節板……等等,亦有即煎鵝肝多士,密密出,無可能樣樣都試晒,隨心揀咗幾樣試試:芝麻豆腐、蕎麥麵及九節板,稍後再試啲鵝肝多士。
食咗唔少生冷嘢,來一盅燉湯暖暖身就最好,是晚喺川貝海底椰燉雞,由於我哋坐晌食物匿附近,睇住啲燉湯全晚不停供應,貨源充足。盅燉湯湯色清澈,卻足料無欺場,飲落清潤順喉,暖入心肺。
川貝海底椰燉雞
61 浏览
0 赞好
0 留言
呢度嘅凍海鮮陣容都唔弱,有兩款生蠔(紐西蘭、加拿大)、小龍蝦、凍甜、長蟹腳、龍蝦鉗、東風螺及青口。生蠔始終喺大家心目中回本嘅食物,所以,睇住駐場開蠔師唔停手密密咁開,以滿足大家需要。
海鮮冷盤
85 浏览
0 赞好
0 留言
食咗一轉凍嘢,又搵啲熱嘢緩和吓先,除養生燉湯,仲有一中一西湯供應,分別喺:蟲草花煲雞湯、雞蓉雜椒湯,老婆要前者,小弟就試試後者。
是日湯品旁就放咗好多款麵包,一共5款,個個都做成小圓包,有軟軟熟熟嘅日式包,有硬崩崩嘅歐陸包。
熱盤區就座落晌開放式廚房度,一系列熱盤,煎炒煮炸乜都有,當然有唔少日韓主題菜式,憑相片記錄有以下菜式,不過,可能有遺漏,請見諒。包括:韓式泡菜炒飯、清炒時蔬、豉蒜炒龍蝦鉗、韓式泡菜芝士焗龍蝦、一口和牛、日式免治雞肉串燒、韓式泡菜醬炒馬鈴薯、韓式辣味年糕、炸日本極黑豬扒、日式蝦天婦羅、印式烤餅、印度羊肉咖喱、韓式芝士炸雞伴薯條、蜜汁叉燒。
同屬熱盤專區,但就僻咗一角擺放咖喱美食,包括印度香辣烤雞腿(伴薄荷乳酪、芒果酸辣醬、雜菜酸辣醬)、印式香料飯及印式黃豆薯仔馬沙拉,仲見到師傅不斷整印式烤餅,睇佢功架十足。
熱盤
61 浏览
0 赞好
0 留言
晌印度羊肉咖喱、韓式芝士炸雞伴薯條後面,原來仲有兩款烤肉:烤豬腩肉、紐西蘭肉眼牛扒,差啲走漏眼,薄薄哋要咗兩片伴啲新鮮生果一齊食,啲豬腩肉口感比較乾同韌,但啲肉眼就好正,肉味濃郁,質感柔軟。雖然唔喺烤菠蘿,但食肉眼配鮮菠蘿一樣唔錯。
食到呢度都真喺已經八乘幾飽,不過,本身其實都有打算晌食麵包時配啲芝士,不過,嗰刻真喺唔記得咗,結果就費事食,但都介紹一下佢哋有咩芝士供應:英國車打芝士、荷蘭艾登芝士及瑞士艾文頓芝士,此外,仲有啲自家調製嘅芝士醬。因為芝士屬奶製品,都比較易變壞,如果有啲透明膠蓋冚一冚會衛生啲。
因為覺得食親自助餐,所提供嘅刺身、壽司都喺大路貨色,所以,一般都較少會要,當晚所見,刺身、壽司款式都唔算少,更有即製手卷添,但個人覺得吸引力唔大。而壽司檔設晌食物區最尾,唔知會唔會影響銷情呢,哈哈!
無打算食粉麵,一來食其他嘢都食到飽飽,太飽肚嘅粉麵就自然放棄,二來除提供清雞湯或日式豬骨湯外,餸料上又唔喺好有賣點,所以,就更加無衝動想試。留肚,攻陷甜品區先。
甜品區就晌一入門口位,除款式多,而且,大多數都做得精緻養眼,尤其幾款主題蛋糕:意大利芝士蛋糕拉麵、北海道綠茶芝士餅、泡菜白朱古力紅桑子慕絲、韓式柚子蜂蜜蛋糕、魚塘水信玄餅……等等,做得維妙維肖,好有話題性,不過,有少少可惜喺似乎出咗一或兩輪就唔見翻貨,部份款式未有機會一試。
甜品拼盤
68 浏览
1 赞好
0 留言
雪糕有晒成個瑞士Movenpick專櫃,一共提供8款口味:瑞士朱古力、雲呢嗱夢幻、冧酒提子、士多啤梨、藍莓芝士蛋糕、熱情果香芒、意大利奶凍及青檸檸檬,配脆筒又得,用小碗裝都得,仲有數款配料作添加。
Movenpick雪糕
76 浏览
0 赞好
0 留言
张贴