三台八座 (已結業)

其實依間小店好幾年前已經試食過，咁岩向附近做野，就再去一次，幸好仍在。可能過左午飯時間，客人唔多，最後仲得返我一枱客。同老闆傾計，雖然生意難做左，但仍然樂觀面對。感覺好似入左《深夜食堂》咁。環境方面，地方企理乾淨，客中可留名或do code。食物同之前一樣，無味精而且多蔬菜既羅宋湯。主菜同配菜都好有份量，而且難得仲有糖心蛋同魚餅成間鋪得兩位老友記一腳踢，老闆仲開玩笑，向我睇餐牌個時話炆牛腩同牛舌賣晒，你想食一係坐多陣，而家炆緊，今晚有得食，放心啦個餐係全日供應。雖然整體味道尚可，就普普通通既街坊飯堂咁，但就感覺多左份小店既人情味。希望下次仲可以繼續食到。

是晚來到西環覓食，誤打誤撞試了一家超好的小店，雖然沒特別的裝潢，但價位不高，菜色的選擇也不少，最重要的是店內洋溢著濃濃的人情味。晚餐跟餐湯、前菜、飲品和生果。落單時老闆會問是否需要多餸或多飯，餐湯也可以添飲，今時今日會有這種offer的餐廳相信所剩無幾吧。意大利蔬菜湯酸酸的很開胃，也不怕有一層厚厚的油。小小的一碗周打蜆湯已經有5-6粒蜆肉。前菜是味道不錯的蛋沙律，上面灑了幾塊粟米片口感更佳。主菜方面：紅酒汁燴牛尾飯 - 牛尾炆得很腍很入味，雖然紅酒味不太出但也不致於扣分。和風烤肉汁扒鯛魚柳配薯菜 - 有三塊大大的魚柳，魚柳本身已夠味和煎得很香，口味不重的話可以不沾烤肉汁，咬下去魚肉很滑亦爽口薯角也炸得很香脆。最後以幾片火龍果作結，十分滿足！