ZENTRO (已結業)

喺中上環食lunch, 真係好難搵到位, 呢間餐廳嘅位置比較多, 所以唔使等位都可以即刻入嚟食。Set lunch包餐湯、沙律、 主菜和餐飲 (可選果汁及汽水，咖啡或茶要加15元)， 佢啲份量都幾大碟, 所以一般人都一定夠食。 我試過佢哋嘅牛扒、豬扒、鰻魚飯和海南雞飯。海南雞飯我並不推介, 有中伏嘅感覺。其他食物都美味可口, 而且價錢唔算貴。 如果食lunch想坐得舒服啲又唔使等位嘅話, 呢度係一個好選擇。

星期六又到接老公放工啦😆今次誤打唔撞發現中環區都有平靚正餐廳😻環境好relax 有window seat又有bar枱位✨主打用備長炭 非常有炭燒風味又可以保留肉汁 食串燒一流🖤而且夜晚8點前仲有overtime lunch menu (有主菜,餐湯,沙律, 果汁同soft drinks) 相當抵食👍🏻⠀▫️特選厚切牛舌串 ($48)經過備長炭燒過鎖住肉汁 一咬落好Juicy 牛舌爽脆熟度剛好🤤⠀▫️燒白鱔($59)白鱔皮都燒到脆卜卜好香口✨▫️燒雞軟骨 ($22) ⠀▫️炭烤羊架 配紅酒燉雜菜薯仔($148)羊架肉質非常非常之嫩😻熟度岩岩好 好香羊肉味🐐加上炭燒香氣 一啲都唔羶 非常高質✨⠀▫️炭燒天多尼式澳洲120日穀飼黑安格斯肉眼扒 配薯條及雜菜($168)好香嘅燒烤味 肉汁多肉質軟腍唔韌 但較多筋位 蘸印度天多尼醬汁非常夾又惹味🧡薯條熱辣辣非常香脆✨⠀

Zentro位於上環威靈頓街，其實都非常就腳，放工嘅人可以考慮一下。入邊嘅裝修雖然唔算華麗，但係絕對得體，可以帶朋友或者伴侶前來。食物係日式西餐，但係亦都有酒吧嘅風格。不少人都會喜歡食串燒加啤酒。午餐同埋晚餐都係同一個套餐餐牌，選擇都幾多。跟餐餐湯跟餐沙律生啤日式西班牙黑豚豬咖喱汁蛋包飯嘩！個名真係好長。咖喱汁係日式味道，所以會比較甜、鹹。配返上炸豬扒的確係唔錯。米飯當然係使用日本珍珠米啦，用炒滑蛋包住，味道相當配合。Mini Angus Beef Burger 🍔 食完之後仲有少少唔夠飽，所以叫咗個迷你安格斯牛肉漢堡，雖然切到三個細細舊，但係依然相當滋味，入邊芝士同埋牛肉肉汁豐富，送啤酒就啱晒！黑咖啡 ☕️餐後一杯黑咖啡，繼續同朋友傾計。咖啡嘅味道唔錯，而且香味不俗。午飯、晚餐給客人，不妨試一試！

今日晚上去了一間新開的酒吧餐廳食晚餐。間餐館係酒吧加西餐廳。但有炭燒食，應該是多國菜。門口有餐牌同一個寫了備用炭使用店的牌子。位置都很多，很多高枱同高椅子。不過燈光比較暗。有酒bar枱，見到好多唔同種類的酒。點了一個大蝦紅椒燉意大利飯$148。一個炭燒天多尼式澳洲120日穀飼黑安格斯肉眼配薯條及雜菜。$168。一杯orange juice ,一杯grapefruit juice 🥤包咗。仲有個小牛扒串$36。湯同沙律（免費）湯有火腿肉粒，味道香甜，不錯。沙律都幾新鮮。橙汁同西柚汁普普通通，沒有什麼特別，是果汁的味道。小牛扒串牛扒燒得剛剛好，肉質鮮美，燒烤味很濃郁，牛扒香口。炭燒天多尼式澳洲120日穀飼黑安格斯肉眼配薯條及雜菜肉眼扒很大塊，而且有少許辣。而肉質juicy ，油脂分布平均。薯條雖然外層有少許油份，不過炸得香口鬆脆。大蝦紅椒燉意大利飯大蝦雖然烤得有點焦，不過肉質算鮮美。而燉飯好重蝦膏丶芝士味，所以味道有點奇妙。不是個個都會感到好食的。